اصبح لدينا زلزال اسمه وثائق ويكيليكس
ونقول للى مسمعش عنها ان
ويكيليكس ده موقع صاحبه راجل صايع (مش صايع هو محترم / بس المقصود انه ملوش بيت ولا اهل/ يظهر كده )
قرر دخول عش الدبابـيـر برجليه وبعد بحث وتمحيص وتدقيق وتفعيص وبالاستعانة باصحابه ومعارفه وعلاقاته جمع مايقرب من 3ونص مليون وثيقة عن علاقات كثير من الدول ببعضها
وكلها بلا استثناء فيها بلااااااااااوى ومصايب مسيحة (يعنى مش مجمدة )ومتنيلة بستين نيلة
ونظرا لانه فئرى (او فقرى ) زى حالاتى
فبدلا من ان يبتـز اصحاب هذه البلاوى فى مقابل عدم نشر بلاويهم
ويطلع له بقرشين يفتح بيهم قهوة فى ميدان السيدة زينب
قرر عمل موقع على الانترنت ............ونشر هذا الغسيل القذر ببلااااااااش
اه والله ببلاش .......فقرى ........ولذلك قررت الاتصال به والتمهيد لانشاء نقابة للفـقريــيـن امثالى انا وهو
وطبعا الحكومات الديموقراطية امثال حكومات انجلترا وفرنسا وامريكا شتمو عليه
بل ان انجلترا صاحبة اقدم ديموقراطية فى العالم (كلام فارغ طبعا بيضحكو بيه علينا )قررو القبض عليه وايداعه السجن ولما احتمى بأمريكا وان جنسيته امريكيى ....ولاعبروه ولاسألو عنه
طب الراجل ده عمل زلزال ازااااااى ؟؟؟؟؟؟؟
من بين الوثائق المنشورة على موقعه ..........كيفية حصول زعماء العرب على ثرواتهم الضخمة
ومن بينهم طبعا زين العابدين بن على رئيس تونس المخلوع (من شعبه مش من مراته ولامؤاخذه)
وطبعا قال ان مرات (زوجة )زين العابدين ابوها كان خضرى (بياع خضار ) وهى كانت فاتحة صالون حلاقة لما ربنا اكرمها لانها كانت اصلا لا تملك ثمن صالون الحلاقة واتعرفت بواحد لواء فى الجيش اسمه زين العابدين واتجوزته وانقض على البلاد واصبحو هما ال2 مليونيرات
والموقع ده قال كلام كتير عن حكام العرب وثرواتهم
وطبعا مش من بينهم والحمد لله .....الحمد لله..........الحمد لله..... حد من عندنا
علشان انا عارفكو فتانيـن
وانا يادوب لسه شايف الشارع من 3 اسابيع بس
وحكومتنا الرشيدة بايامها المجيدة واللى خلتنا على الحديدة
قررت عدم اصدار اى قرارات من شأنها مضايقة الشعب او تنرفذ الشعب هذه الأيام
وتأجيل فرض ضرائب جديدة واى غلاء فى الاسعار مؤقتا
وانا بصفتى نائب رئيس مجلس ادارة نقابة الفقريين (طبعا لان الرئيس هو صاحب موقع ويكليكس) اقول / غطونى وصوتو (من الصراخ مش التصويت فى الانتخابات )
ده موقع ويكليكس للى عايز ينضم لنقابة الفقريين
عايز تعرف بلاوى اى بلد
هتلاقى على الشمال كلمة country index اضغط عليها
هتفتح صفحة هتلاقى على الشمال حروف الابجدية الانجليزية مرتبة صفوف تحت بعضها
اضغط على الحرف الأول من اسم بلدك هتلاقى كل البلاد اللى تبدأ بنفس الحرف
مثلا مصر ( egypt )يبقى تضغط على حر ف ( e )
وادخل وشوف بلاوى مصر اسف دولة بمبوزيا العظمى
http://mirror.wikileaks.info/
وان كنت اعتقد ان موقع مثل هذا لن يستمر يعمل فى هذه الايام لانى مدخلتوش من اكتر من شهرين
ومرحبا بكم فى نقابة الفـــقريـيـن