المشاركة الأصلية كتبت بواسطة Xpert
انت لو بتفكر تشج عربيه و محتاج كل ده , يبقي احسنلك تنزل بورسعيد تجيب كروسليه كامل عربيه كامله مقسومه نصين , كان فيه واحد منزل 3 كاملين من فتره في بورسعيد في حي بنك الاسكان..
|
هوا انا مش بافكر اشد لانى لسة مااشتريتش اصلا
المشاركة الأصلية كتبت بواسطة Xpert
شكله تاجر و بيعرف اسعار.. لانه سأل نفس السؤال عن الخنزيره.
|
ياعم تاجر ايه حرام عليك انا لو تاجر هاكون عارف الاسعار
المشاركة الأصلية كتبت بواسطة sad-bird
لأ اظن
لانه كان سأل قبل كده عن الفروق بين الخنزيرة والشمامة والتمساحة
فشكلة عاوز يجيب حاجة منهم ومحتار يجيب ايه
خصوصا موضوع اشاعة ان الاحلال هينزل على الملاكي كمان اللي لم تتأكد صحتها من عدمه حتى الأن
|
الله ينور عليك انا اصلا امكانياتى فى الخنزيرة بس لو التمساحة افضل كتير ممكن استنى شوية
المشاركة الأصلية كتبت بواسطة محمد شهاب
خصوصا موضوع اشاعة ان الاحلال هينزل على الملاكي كمان اللي لم تتأكد صحتها من عدمه حتى الأن
ماهو موضوع الاحلال ده عامل لى كاللو فى دماغى
انا عاوز اجيب معدلة واعمل فيها كل الحاجات اللى اخونا مرسيدس بيقول عليها
بحيث يبقى مش ناقصها حاجة وتبقى احسن من الجديد الصينى والكورى وخلافه
بس خايف من موضوع الاحلاااااااااااااااااااا اال
لو عملوه وسحبوا منى العربية ياباشا ورموا لى 5 آلاف جنيه
او دخلونى احلال بالقسط ورجعنا تانى للصينى لان ساعتها مافيش معايا فلوس اجيب غيره
ابقى اعمل ايه ياباشا
حد يفكر معايا يشجعنى اشترى واللا يخوفنى واجيب حاجة تانية
فيه قدامى فى الزقازيق 230 معدلة مو 80 مرايا كهربا وفتحة سقف يدوى وفرش جلد و4زجاج كهرباء وتكييف وباور وجنوط سبور وفتيس اتوماتيك وغاز خالص وراكب فيها موتور 200 ومثبت فى الرخصة
عاوز اخلص فيها وخايف اجيبها واول ما ابدأ افرح بيها تيجى الحكومة وتقول كفاية عليك كده هاتها بقى
تحياتى للجميع
|
كويس قوى طيب بكام العربية دى للعم بالشئ ؟
وهل فعلا اسعار العربيات دى فى الزقازيق افضل ولا مش شرط ؟
انا قدامى خنزيرة حالتها متوسطة وموتور 2300 ديزل والميكانيكى قاللى سهل يتغير ببنزين ب 15 الف بس راشة دواخل طيب موضوع راشة دواخل دا مصيبة ولا عادى على عربية شغالة من 45 سنة ؟
انا مشكلتى كمان ان التجار مش فايدينى قوى يعنى لفيت عل محلات كتير وماحدش فادنى غي اتنين واحد بتاع جديد قاللى مفيش حاجة اسمها قطع غيار مش موجودة لاى عربية المهم اللى يدور وحاجتها رخيصة ووش الفانوس ب 15 و البيضة ب 70 ده بتاع جديد وكده والتانى بتاننى بتاع استيراد قاللى اوعى دانا معايا خنزيرة مش لاقيلها فانوسين كويسين وان كرونة التمساحة ب 1500 جنيه والخنزيرة ب 2000 جنيه والعيون نفسها 1500 ج اما الزلمكة 700ج وكلام من ده
فالتجار حيرونى اكتر ومحتاج اراء اخوتى فى المنتدى يفيدونى