[نبيل عبدالرحمن]

المشاركة الأصلية كتبت بواسطة hazem_khidr انا حتكلم عن شقين في الموضوع دا كثره الطلاق: و دا بسبب ان مافيش حد بيتحمل مسئوليه دلوقتي لا الراجل ولا الست اي واحد حاليا اهله مساعدينه في الجواز مهما كان علي الاقل والده جايب له شقه حتي لو مأجر بيكون اهله ساعدوه في العفش و الجهاز المغالي فيه طبعا حتي البنت مافيش اي تحمل مسئوليه معظم البنات بتدخل كليه علشان يبقي معاها شهاده و هي بتتجوز و نتيجه للمغالاه في التجهيزات و كل واحد يبص للتاني نلاقي ان اي واحده عاوزه تتجوز عاوزه تدخل جاهزه من كل حاجه و الغريب ان بيبقي عند البنت خبرات غريبه في مجال الديكورات و الاجهزه و العفش و ما اعرفش الخبره دي جات لها منين رغم انها مش خريجه هندسه ديكور او اتجوزت قبل كده!!!! المهم طبعا المغالاه دي مش بيدفع تمنها الشاب لوحده و بس لا كمان اهل العروسه بيدفعوا في سبيل شقه بنتهم(و نسيوا هما لما ابتدوا حياتهم كانوا بدأوا ازاي) و مع تطور الامر اصبح الولد بيدفع النص و البنت بتدفع النص او بمعني اصح اهل العريس بيدفعوا النص و اهل العروسه بيدفعوا النص و النتيجه بيت جميل من بره و فااااااااضي من جوه مافيش اساس و المنظره و الرفاهيه هي اللي بتتحكم في الجوازه دي طبعا النتيجه مع اول خلاف او التاني او التالت الاتنين بيبقوا علي استعداد انهم يتخلوا عن بعض ماهو طبعا الاتنين مش دافعين حاجه في الجوازه و الاهل هما اللي شاربين المر يبدأو يتكلموا في انفصال و طلاق بيساعد البنت علي كده ان معاها قايمه بالعفش و مش خسرانه حاجه و تبدأ تضغط علي الولد علشان عارفه انه حيخاف من اللي حيدفعه لكن برضه الولد ما دفعش حاجه دا اهله اللي دافعين و نلاقي الموضوع ماشي في سكه طلاق او خلع ماهو حتي لو خلع مش حياخد فلوس علشان كاتب المهر جنيه واحد علشان ما يدفعش رسوم تسجيل اد كده في المحكمه يلاقي نفسه طالع من الجوازه من غير حاجه نهائي و هي شويه عفش و طفل او طفله بيقابل والده كل اسبوع في النادي حسب قرار المحكمه !!!!!!! و هو يدور علي بنت تانيه ممن فات عليهم قطار الزواج نظرا لبساطتهم و هي مش حتلاقي غير واحد مطلق يرضي بيها و غالبا اكبر منها في السن بكتير الشق التاني فيما يخص اختيار الزوجه او العصمه معاها ربنا قال الرجال قوامون عن النساء و ان المرأه بتحكمها العاطفه اكتر من الرجل و دا اكيد من الاسباب تحريم الزوجه من الجواز باربعه زي الراجل تخيل لو الحق دا ممنوح للمرأه كانت حتعمل ايه؟؟؟!!!!!!!!!

الله عليك يا أستاذ حازم انت لمست الوتر الحساس فى الموضوع ، فعلاً نحن الآباء ، وأنا بأقول عن نفسى - قمت بتزويج ابنتاى والحمد لله - سواء والد العروس أو والد العروسة هما اللذان يتحملان كل شيئ ويجد العروسان نفسيهما فى منزل الزوجية دون تعب أو تكبد مشقه كما تعبنا نحن حتى نفتح بيتنا
وحلوه قوى كلمتك فى الشق الثانى لو العصمة أصبحت فى يد الزوجة وحدها ما الذى كان سيحدث ؟