14-01-2011, 10:15 PM
|
 |
من انا؟: أنسان يعيش و يتعايش
التخصص العملى: تانية تجارة
هواياتي: Everything
|
|
تاريخ التسجيل: May 2010
الموقع: مصر الدور الرابع
المشاركات: 1,400
|
|
رد: لو معايا 1000 جنية وعايز أعمل عدة صوت.... ينفع ؟؟
المشاركة الأصلية كتبت بواسطة Hamada_El_Sh3er
ياباشا ألف شكر على رد حضرتك
بس في حاجات بصراحة انا مش فاهمها
هل الأمبلفاير ده هو الجي إم ولا ده حاجة تانية
وأنا كل اللي كنت بطلبه بس إني أركب سماعتين وصب أوفر او بازوكا
ومش لازم تكون فوق الألف وات
انا كنت سألت واحد بتاع سماعات بس مش متأكد منه
قاللي ممكن تركب سماعتين كينوود أو بايونير وصب أوفر سيمفوني اللي هوة سماعة واحدة وجي إم كبير 4 تشانل وقاللي التكلفة مش هتعدي الألف جنيه
ياترى الكلام ده سليم ولا أفكر في حاجة تانية
|
أيوه ياباشا, الأمبليفاير amplifier هو الأسم الحقيقى للجى أم
كلام بتاع السماعات هو نفس كلامى ياباشا, بس شيل الصب السيمفونى وحط بداله صب بايونيير أو كينوود, خصوصا أن فرق السعر مش هيكون رهيب, بس فرق القدرة والصوت هيكون جبار, السيمفونى سمعته معروفة أنه للأسف مش قد كده, وكمان الصبات أقل حاجة 1000 وات, اللى يخلى حضرتك تجيب صب 800 أو 700, طب ماطقم سماعات 500 وات مثلا أحسن منه.
الموضوع بالسماعات والجى أم والصب بصندوقها هيكلف حضرتك حوالى 1000 جنيه أو أزيد شوية, بس هيبقى عندك بيز رهيب من الصب, وصوت متقسم كويس من طقم السماعات اللى راكب على الجى أم, غير أصلا السماعات اللى راكبة على الكاسيت, يعنى هتعمل شغل كويس قوى.
وممكن برده ماتجيبش سماعات خالص وتركب صب وأمبليفاير قناتين, ومعاهم السماعات اللى راكبة أصلا على الكاسيت.
أو طقم سماعات كويس فى حدود 400 أو 500 وات, وجى أم 400 أو 250 حتى وهتسمع صوت كويس جدا.
|