موضوع جامد ومشكور على المجهود أنا برضه دلعت اللوجى بتعتى وأشتريت كاميرا ومرايه عرض (شاشه ) وركبت فرش للأرضيه من عند سبير كار ومن الاخر أسعارهم نار وبيشتغلوا الواحد وأنا بتكلم عن تجربه
المهم أنا كنت عامل حسابى أن فوق الشغل ده كله أنى هركب فرش الكراسى ووحدات رفع وجهاز أنذار spy 5000 المهم الجهاز ماكنش موجود عندهم وقعد يفتى ويقولى أن المستورد مش عنده والكلام المرار ده روحت خلصت الكاميرا والشاشه والفرش للأرضيه من عندهم وحلفت وقولت لنفسى توبه أنى أروح ليهم تانى على اى شىء نزلت على التوفيقيه لقيت جهاز الانذار مرطرط سألت على سعره وعلى أسعار الحاجات اللى ركبتها عندهم لقيت أنى أترفعت فى حوالى 280 جنيه غير مصاريف التركيب المهم أشتريت غطاء وتر بروف بـ 110 جنيه وأشتريت جراب للدريكسيون جلد أسود بـ 15 جنيه وعملت فرش الكراسى عندنا فى دار السلام عند محل الزعيم وبعدين لقيت
بعض الناس خوفونى من ناحيه التوكيل وحوار الضمان علشان الشاشه والكاميرا وياريت طلب من الوحوش اللنجاويه يطمنونى علشان مرعوب
بجد وربنا يسهل فى صيانه الـ5000 أركب وحده الررفع وجهاز الانذار والله الموفق 