رد: لية نيسان صنى مش محبوبة..!!!
انا عايز اللي بيقول ان العربيه مش كويسه يقول الدليل علي كلامه هل العربيه عملة معاه موقف مش كويس هل العربيه فيها عيب جوهري ويقول ايه العيب
لكن كل واحد عاملي فيها مستر اكس بسلمته وبتفرد ويتني ويقولك تقفيل مصري والايادي المصريه لما تدخل في حاجه انتي عارف هو انتي بسلامتك مش مصري وايديك مش من الايادي المصريه اللي لما بتدخل في حاجه بتبوظها ولا انت مصري بايدين المانيه
انا معايه صني 2008 عامله 96 الف كيلو العربيه ماشاء الله ولا حول ولاقوة الا بالله زي الفل وبسافر بيها من الغردقه الي القاهره والمنيا وارجع المشوار بيعمل فوق ال1000 كيلو وانا مطمئن جدا
وعندي كمان في الشركه اللي باشتغل فيها اسطول من العربيات الصني اكتر من 20 عربيه مفيش مشكله من عربيه منهم مع انهم عربيات شركه يعني اللي بيركب مش بيهتم بيها زي لما تكون عربيته
عندي عربيه 2007 عامله 200 الف كيلو تخيلو غيرنالها الاسطوانه والديسك عند ال 200 الف مع انهم ممكن يكملوا بس احنا غيرناهم علشان العربيه بتسافر كتير في طرق مقطوعه وكمان دي تعليمات الامن الصناعي بخصوص صيانه العربيه
انا وعن تجربه عربيتي الشخصيه وكذلك عربيات الشركه اقدر اقول انها عربيه اعتماديه لابعد الحدود وانها افضل عربيه في مصر في فئتها السعريه و في الفئه اللي اعلي منها كمان
فيا ريت بلاش افتري واللي عنده نقص للعربيه يقولوا علشان الناس تستفيد
ومن وجهه نظري كمستخدم للعربيه انا شايف ان العيوب الموجوده في العربيه تتعلق بالشكل وان المساحه المخصصه للكنبه الخلفيه ضيقه
اما المميزات فحدث ولا حرج
موتور جبار
عفشه ممتازه
صاج قوي
تكييف رهيب
استهلاك معقول للبنزين علي السرعات المتوسطه (265 ك الي 275 ك في الصفيحه داخل البلد مانيول 2008 )
توكيل محترم (يتم تغيير اي شئ يظهر فيه عيوب صناعه داخل فتره الضمان زده عن تجربه )
سعر اكثر من رائع قياسا بمثيلاتها
ندرة الاعطل واعتماديه كبيره
سهل التعامل مع العربيه من حيث الميكانيكا
ولكم الشكر والتقدير
مصطفي
|