المشاركة الأصلية كتبت بواسطة aymangalal
يا 1000 اهلا وسهلا بيك دايما يا استاذ/ محمد
غريبة جدا!!!!!! بس صح جدا.......
غريب انك متحمس فجأه للعربية (يا ترى اشتريت ولا لسه؟؟؟ احنا خلاص بقينا اخر الاسبوع)
بالتوفيق ان شاء الله
بس الحماس ده كويس جدا جدا جدا لانك متحمس لشىء يستاهل
وصح جدا كل حرف قولته وعلى فكره انا قبل ما افكر فى موضوع شراء عربية بصفة عامة فضلت حوالى 3 شهور اعرف يعنى ايه عربية(مش غباوه منى ههههههههه) لكن عشان اكون على علم بالشىء اللى هتعامل معاه وابتديت افكر من اول السيات 133 لغايه ماوصلت لقمة الاختيار فى حدود الـ 20 الف والحمد لله ربنا وفقنى
وعندى صديق بالصدفة شار عليا بالعربية دى واقتنعت بيها جدا على الرغم من معظم الاراء السلبيىة اللى عرفتها ووالله مع مرور الوقت وبمجرد التفكير (صح) اكتشفت انى بفهم معنى كلمة(اشترى عربية ) اكتر من الصنايعى والسواق (ودى لها قصص كتير بعدين نحكيها)
المهم واللى عاوز اقولهولك انك ابتديت صح فى ترتيب الخطوات عشان يكون معاك عربية صح
الخطوات دى هي التظبيط من جوه لبره لان العربية اساس ماتمشيش من غير السليم اللى جوه واهم اساس تبتدى عليه هى حاله الشاسية وطبعا لازم لازم لازم يكون سليم (دلاله على ان العربية -ولله الحمد- ماخدتش خبطة مؤثرة او عامله حادثة) وده بيتعرف بصفة عامة بالنظر كده للون دهان الدواخل بعد كده تبص ع الموتور وتشوف حالته ( ايه ده انا باين عليا بشرحلك ازاى تشترى عربية-معلش خرجت عن الموضوع والكلام خدنى)
بإختصار وبالترتيب
شاسيه+ميكانيكا+عفشة +كهرباء+صاج =اساسيات
فرش+تابلوه(بمكوناته)+فوان يس بكل الاضاءات +تكييف+سنتر+زجاج كهرباء+زجاج امامى وخلفى وابواب+دهان+كاوتش+جنوط= كماليات
طبعا الاساسيات لها الاولوية
انا اشتريت عربيتى واول حاجه ابتديت بها كانت
الكاوتش
طرمبة بنزين
كربراتير
رادياتير
طقم سرفيس(سيردينامو+سيركاتينة +فلاتر هواء وزيت وبنزين)
سلك سرعة
شكمان
عفشة
مجموعة الفرامل بالكامل (ودى دخلت لها فى 1000 على غفلة ومضطر) لانى ماكنتش قادر احكم على حاله الفرامل كانت بتمسك وخلاص لكن مش بحالتها السليمة ولفيت ع العفشجى والميكانيكى للغاية ما لقيت الطنابير ضايعة والاولسيهات ضاربة والتيل زعلان وطبعا ضطريت افور كله واجدده هى دى الاوليه وقيس على كده باقى النظام
اى حاجه من بره وبعيد عن الاساسيات شكل او تعديل له الف حل وصرفة وسهل يتعمل
القسم بصفة عامة نشاطة مش بطال (ماتنساش ان راكبى الستروين قليلين) وبالنسبة للموضوع ده مابيدخلوش غير المهتمين بالـ AXفقط زيك وزيى لان اهتمامنا واحد
ومبروك مقدما وتحت امرك فى اى كلام او اى حاجه
|
والله يا باشا انا النهارده هاخد جوز خالتى ( مالك ستروين ax) وهناخد معانا ميكانيكي ستروين
وهنروح لاتنين اصحاب ستروين
وهنشوف العربيتين
والله ربنا يكرم ويبقى في الخير ف الافضل فيهم ( حالة + سعر )
وان شاء الله هقول لك عملت ايه النهارده بليل لما اجى
انا رايح بعد الصلاة على طول
وربنا يستر
كنت بفكر اعدي عالسوق كده ف الاول
لكن قلت لا ملوش لازمة كله تجار واحةج تقرف
انا يا باشا بسوق بقالى حوالى 12 سنة
كان الاول معايا تيريوس ولكن ...
لظروف الجواز والجهاز استغنيت عنها ( اى نعم لوالدى ) ولكن بعتها علشان اجيب حاجة اصغر
وجبت 131 مو 1975 ومش عاوز اقول لك عاللى عملته فيا
يووووووووووو
عزاب ايه وبهجلة ايه وهى اللى خليتني ابعد عن الفيات
ممكن تغير قطعة غيار 3 او 4 مرات ف اسبوع واحد
كتاوت النور مثلا غيرتها اكتر من 4 مرات ف اسسبوع
كلفتني حوالى 50 جنيه ومش بالاداء المطلوب كمان
اظن ان البلد بتاعتنا ( على رأي احد اعضاء المنتدى هنا) بلد النوكيا والفيات واللانوس
يعني ولا فورد ولا ستروين ولا دايهاتسو( ماستر الفرامل ب 1600 جنيه )
قلت اشوف حاجة قطع غيارها غالية شوية وتمنها فيها
بقى قدامى الفورد فيستيا والستروين
وجوز خالتى اتكلمت معاه شوية
واستقريت اخيرا على الax
ربنا يسهل ان شاء الله واخلص فيها وربنا يكرم بعد كده
ادعيلي انت بقى المرة دى
وربنا يقدم اللى فيه الخير