انا بقى يا جماعه معايا عربيه لانسر موديل 92 بطه المشغله اللى مخليانى الف حولين نفسى فى ساعه الريداتير اللى بتشغل المروحه علشان تبرد الميه غيرتها 3 مرات فى المره الاولى اشتغلت اسبوعين كويس وباظت بعدها والمكنه وقتها سخنت جدا وامبير الحراره عندى فى الطابلوا واقف على 90 مرفعش خالص مع ان المكنه كانت سخنه جدا وخرطوم ميه اتقطع والمكنه بطلت فجأه وادور مارش مش عاوزه تدور نزلت افتح الكابوت لقيت الخرطوم مقطوع ومفضيه الميه اللى فيها والمكنه سخنه جدا سبتها شويه والحمد لله اتصرفه وعملت الخرطوم ودورت دارت معايا وحطيت مايه ومشيت وراقبه المروحه لقيتها مش بتشتغل خالص المهم الكهربائى قالى هات ساعه تانيه جبت واحده تانيه اشتغلت اسبوع وباظت هيا كمان جبت كمان واحده المرادى مشتغلتش خالص مع ان الكهربائى قبل مايوصلها عملها كتاوت مخصصه ليها علشان التيار ميكونش عالى على الساعه فاتبوظ زى اللى قبليها ولاكن الصدمه ان لما الكهربائى خلص شغل ووصل الساعه والعربيه سبتها شغاله ربع ساعه علشان المروحه تشتغل ماتشتغلش والامبير بتاع الحراره واقف قبل النص بحاجه بسيطه مبعلاش فا الكهربائى كان عاملى زرار اشغل منه المروحه مباشر دلوقت بعد الرغى دا عاوز شخص محترم يدلنى اعمل ايه بظبط وهل ياترى العيب فى الساعات ولا فى الكهربا ولا الريداتير ولا ايييييييييييييييييييييييي ه بظبط واسف جدا على الاطاله