يعنى وزير مالية عمل قانون الضرائب العقارية وقال هيدفع عن القصور بتاعته ووبعدين يطلع يتعالج على نفقة الدولة .
يعنى وزير صحة شريك فى كبرى مستشفيات البلد و مراته تتعالج على نفقة الدولة .
يعني ندي الغاز لإسرائيل مدعم لعشرين سنه جايه و المصريين مش لاقيين أنبوبه بوتاجاز .
يعنى يبقى عندك ثلث أثار العالم فى مدينة واحدة بالأقصر و تلاقى دولة زى تونس عدد السائحين فيها اكتر من عندك .
يعني تترشح في الانتخابات عن فئة العمال وتنجح فتعيش عيشة الملوك.
يعنى إنك تمنع التدخين جوه القطارات علشان تحافظ علي أرواح الناس ويروح القطر بكل اللي فيه مخيش في قطار تاني.
يعنى تبقى الدول العربيه اللى مكانش حد يسمع عنها زى دبى وقطر والبحرين كلها نظام ونضافه واحنا اللى كنا بنعلمهم من 30 سنه.
يعنى الزبالة وعدم النظام في كل مكان ورئيس الوزراء بيقول ان وجود الزبالة بالكثرة دي بيدل على الغنى الي عايش فية الشعب المصري .
يعني تبقة نسبة التحرش الجنسي بالفتيات في الشارع المصري والمواصلات العامة 80% والحكومة تطالب بخلع النقاب .
يعني لما الشعب ما يلاقاش سكن ويروح يسكن في الجبل ويقع عليه يقولوا عشوائيات .
يعنى قناة البي بي سي فيها مذيعات محجبات و تلفزيون بلد الأزهر بيمنع ظهور المذيعات المحجبات.
يعني تبقي عندك بحرين و نيل قناة السويس و11 بحيره وبتستورد السمك من بره .
يعني يتحرق مجلس الشورى والشعب يدعي ربنا ان النواب يكونوا جواه.
يعنى لما الدايرة الي فيها 2500 صوت مرشح الحزب الوطني ياخد لواحدة 13000 صوت .
يعنى لما يكون عندنا مجلس قومى للمرأة و اعلى معدلات طلاق فى الوطن العربى.
يعنى لما يكون عندنا مجلس قومى لحقوق الانسان و اعلى معدلات اعتقالات و تعذيب فى اقسام الشرطة.
يعنى لما وزير الاسكان يبيع ملايين الامتار ببلاش للمستثمرين مخالفة لقوانين الدوله ويبيعوا لنا المتر ب 3000 جنيه فى القاهره الجديده .
يعنى لما يعملوا قانون مرور جديد و ضحايا حوادث الطرق سنويا اعلى من نسبة اللى ماتوا فى حرب اكتوبر.
يعنى يقولك ان من اهم انجازات عصر ما بعد الثورة هى مجانية التعليم و اى اسرة فى مصر بتبيع اللى وراها و اللى قدامها علشان الدروس الخصوصية