[فادى]

المشاركة الأصلية كتبت بواسطة sam ram مع اني مش فاهم النظام شغال ازاي ... حتى بعد الفيديو وده نتيجه ضعف مستوايا ميكانيكيا بالرغم من محاولات مهندس فادي المضنيه للشرح لكن طول عمري مقتنع ان الطلاينه احسن ناس تعمل مواتير .. وادي خطوه جديده لفيات تأكد بيه الكلام ده ... الغريبه اني قريت الموضوع امبارح متأخر وقلت اشوفه تاني الصبح يمكن افهم النظام ماشي ازاي وكل شويه اقول انا قريت Multi Air قبل كده فين ... فين ... لحد ما قمت الصبح و انا بفتح التلاجه قريت على بابها Air Multi Flow يعني الفكر الهندسي العالي ده كله .... ومش عارفين يختارو اسم عدل!!!! ptmnlo123per111 شكرا مهندس فادي على الموضوع القيم و المفيد

هو انا فعلا اكتر حاجة غايظانى فى الموضوع الاسم, هو ينفع اسم لمروحة جديدة و لا تكييف أو تلاجة لكن مش اسم موتور خالص,
انا اول ما اتخايلت بيه على النت قلت ايه ده, فيات عملت تكييف عربية جديد و لا ايه ptmnlo123per1127
على العموم هما دول الطلاينة, ملهومش فى الدعاية!

بالنسبة للجرافات فهى بتمثل توقيت فتح و قفل الصباب ,
الجرافات بتشرح ازاى النظام بيعدل منحنى العزم حسب الظروف, ساعات يدى عزم عالى على سرعات منخفضة, أو عزم عالى على سرعات مرتفعة حسب ظروف القيادة عبر التحكم فى توقيت فتح و غلق الصمام,
ببساطة الفكرة كلها انو احنا عندنا المحرك يا اما يدى عزم عالى على سرعة منخفضة زى معظم المحركات الأوروبية, أو عزم على سرعات مرتفعة و يبقى الهورس باور بتاعه عالى زى المحركات اليابانى و الأمريكى المجهزة أكتر للطرق السريعة(تزويد القوة الحصانية بيتم عبر تأخير غلق الصمام),

المالتى اير بيقدر جلده من هذا الى ذاك, على السرعات المنخفضة يبدو فى شكل محرك أوروبى صميم, و فى السرعات العالية يتحول بقدرة قادر لمحرك يابانى أمريكى مرتفع القوة الحصانية, طبعا بحسب سرعته و اسلوب الضغط على الوقود, و بكده يدينا أفضل عزم ممكن على كل السرعات, و اكبر توفير ممكن فى حالة الضغط بخفة على دواسة الوقود Part Load, و أكبر قوة ممكنة فى حالة الضغط بقوة على الدواسة Full Load.
و فيه نظم خاصة مصممة عشان المحرك يمشى على سرعات منخفضة جدا بدون ما "يسقف", و بكده يبقى عمره طويل و مريح فى القيادة, MutiLeft.
على فكرة هو لسه فيه كامة بس هدفها مختلف شوية(أو نقدر نقول نص كامة), هنا الكامة ليست على اتصال مباشر مع الصباب, هى متصلة بس مع صباب العادم مباشرة, لكن ملهاش احتكاك مع صباب الintake, و مفيش اعتماد على ياى الصباب فى الارتداد, و الصمام الكهربائى و حجرة الزيت هما اللى بيضبطوا توقيت فتح و غلق صمام الintake