المشاركة الأصلية كتبت بواسطة faten6
السلام عليكم و رحمة الله ربنا يبارك فيكم اخي حبيب الناس و اخي hm414 انا باحاول انفذب نعض الامور اللي باتعلمها منكم يعني اخوية حبيب الناس بالنسبة لرعشة الماكينة الصبح قال اني ادور و ما ازودش بنزين على طول الا بعد ثواني لغاية ما الزيت يبدأ يتحضر و بعدين ازود بالتدريج و فعلا عملت كده و لقيت النتيجة المطلوبة ,. و اخي hm414 ربنا يكرمك انا باستفيد من ملاحظاتك جدا بس والله والله انا باكشف علي الزيت يوميا بس المرة اللي كان الزيت ناقص جدا كانت العربية فيها شغل و كان الزيت محتاج يتزود بس على ما جات من الورشة كان الزيت زي ما قلت لكم بس انا والله مش مهمل و فعلا الزيت مابيسربش و برضو انا ساتأكد تاني بأمر الله , طيب موضوع مادة ادكتين اللي بنحطها في تانك البنزين قبل ما نفول و اللي قالوا لي انها بتنظف الكربيراتير حد يعرف عن الموضوع دا حاجة اللي قالي عنها قال اننا لما افول العربية قبل ما الراجل يحط بنزين 80 يحط المادة دي الاول و حيكون البنزين كأنه بنزين 90 أو 92 لو في معلومة عندكم عن الحكاية دي قولوا لي و ربنا ما يحرمني منكما .
|
اهلا وسهلا يا اختي
طالما ان العربية كان فيها شغل ممكن انه يكون الميكانيكي نزل جزء من الزيت مش مهم
اهم حاجه انك طمنتينا انك يوميا بتكشفي ومتأكده انه مفيش تسريب
وعموما مش محتاج الزيت كشف يومي
مره في الاسبوع كفايه جدا
وعينك على مؤشر الحراره وانتي ماشيه متنسيش تبصي عليه....
مادة الاوكتين ولا ليها اي لازمه في عربيتنا لانها بتنضف اكتر في العربيات الانجكشن
اما عن تنظيف الكاربيراتير ففي سبراي بيتباع وبيترش على الكربيراتير بطريقه معينه سهله والعربية دايره وبينظفه وانا جربته وممتاز جدا فعلا وسعره لا يتعدى من 15 الى 20 جنيه...
وخلي بالك
مفيش فرق في عربيتنا برضو في الاداء مابين بنزين 80 ولا 90 ولا حتى 92
لان انسب حاجه بالاساس للعربيه ال80...
ان شاء الله عربيتك دلوقتي في حالة كويسه وزي مقلتلك لما تغيري الزيت جربي الفيسكو2000 هتدعيلي ان شاء الله
تحياتي