[ahmedjumpo]

المشاركة الأصلية كتبت بواسطة احمد على 1999 الحمد لله انا لسة شايف تطورات الموضوع دلوقتى و فرحان جدا جدا جدا ان كل المشاكل اتحلت لانى متابع الموضوع من زماااان و زى ما قال الاستاذ سمير (و له جزيل الشكر) انا برضه كنت مستبعد الرشاشات بناءا على وصفك لحالتهم و انك اختبرتهم بس الحمد لله على فضله و انا باشكر حضرتك فعلا لان الموضوع كان دسم و ادانا خبرة عظيمة و شكرا للاستاذ سمير على كرمه الزائد و مجهوده الرائع فى متابعة المشاكل و ربنا يجعله فى ميزان حسناته

فينك يا استاذ احمد و الله كنت منتظر مناقشاتك معانا كالعادة و فعلا انا بشكر حضرتك جدا لان حضرتك حاولت معايا فى ايجاد الحلول من البداية و انا سعيد فعلا بالتعرف على شخصيات جميلة زى حضرتك و المهندس سمير ربنا يكافئكم خير على محاولاتكم لمساعدة الناس وفعلا حضرتك ماتعرفش اد ايه انا سعيد بالعربية و الحمد لله من ساعة ما غيرت الرشاشات و العربية بقت كويسة جدا و استهلاك البنزين بقى جيد جدا و التبطيلة باذن الله راحت بلا رجعة و مبقتش خايف و انا بهدى ان العربية تبطل و ادينى غيرت زيت للموتور و بقى انعم و نقلات الفتيس الاتوماتيك بعد تغيير الرشاشات بقت افضل كتير و جبت زيت للفتيس و هاغيره باذن الله يوم الاثنين الجاى
و باقى بقى حاجات بسيطة اشيك عليها زى الطنابير لانى بحس برجة بسيطة لما بادوس فرامل برغم انى مغير التيل خلفى و امامى من 1000 كم وبحس بتزييق مع الفرامل مع ضعف فرامل اليد بس الحمد لله ان اهم حاجات انتهيت منها بعد ما اتوجعت اوووووووووووووووووووووووو ووووووى اووووووووووووووووووووووى فى الفلوس
مرة تانية الف شكر ليك و لمهندسنا الحبيب مهندس سمير