[miam0502788391]

بالمناسبة يا استاذ خالد هو فيه كتير من القطارات بيحصل فيها قلة ادب ؟؟ غير شرب المخدرات اللى حضرتك شوفتها دعارة يعنى والعياذ بالله خصوصا فى العربيات الاخيرة
اصل انا لما كنت بركب على خط المنصورة الزقازيق مرة واحد راكب قالى لما تيجى بالليل متبقاش تركب فى اخر عربية
قلت له ليه
قالى اصل بتبقى فيها عيال مش مظبوطة (يعنى من قم لوط والعياذ بالله)
وانا هحكى على واقعتين
مرة وانا راكب فى اول عربية بعد الجرار ورغم دوشة الجرار اللى واصلة لودانى الا انها كانت أرحم من باقى العربيات التانية المظلمة, وكان قاعد معانا مش فاكر واحد ولا اتنين كمسارية وفجأة جه كمسارى يقول لزمايله فاغرا فاه - وكنت انا قاعد بالطبع - ان شاف ولد وبنت فى وضع ممارسة جنس ولأن العربية كانت مظلمة رغم ان الكمسارى كان معاه كشاف الا ان الولد والبنت محسوش بيه الا لما بقى فوق دماغهم ساعتها حسوا بيه و الولد اتلخبط والكمسارى سأله على التذكرة ولما ملقيش معاه تذاكر اكتفى بأنه قطعه اربع تذاكر (عقابا له يعنى)
الموقف التانى وده حصل معايا شخصيا , مرة كنت مسافر وراجع المنصورة على نفس الخط الزقازيق - المنصورة وراكب فى عربية مفيش فيها نور لقيت شاب صغير فى السن يعنى حوالى 20 سنة او يمكن اقل جه جلس امامى وزى ما حضرتك عارف كراسى القطر متقابلة , بعد شويه لقيته فتح كلام وكان شكله ابن ناس واحنا بنتكلم لقيته عمل حركة غريبة بأنه مد رجليه بين أفخاذى , انا اصابنى الشك والريبة من هذا الانسان , رحت قايم من على الكرسى وقلت له اقعد براحتك ومد رجليك , ورحت سايبه وجلست على كرس آخر لقيته ساب الكرسى اللى قعد عليه وجاء جلس امامى مرة اخرى وفتح حوار بس من غير ما يعمل حاجة , رحت انا قايم مرة اخرة وواقف عند الباب الجانبى بتاع النزول والخروج راح قايم هو كمان وراح عمل حركة اتأكدت انه مش مظبوط رحت سايب العربية كلها وهربت منه ورحت عربية تانية وقعدت على كرسى بحيث لا يرانى حتى لو جه ورائى
انا آسف انى بقول مثل هذا الكلام لكن انا ذكرته علشان لو حد ركب السكة الحديد يبقى ياخد باله ويعرف ان مش كل اللى بيركبوا القطارات ناس محترمة