المشاركة الأصلية كتبت بواسطة miam0502788391
يعنى انا اعتقد لو الخلوص زاد بين السبايك والكرنك صوت المكنة هيعلى والواحد يحس بصوت رزع خصوصا مع دورات المحرك العالية وهنا الكرنك لازم يتخرط ويجيب طقم سبايك جديد ولا ايه يا باش مهندس
فتح الله لك
|
الترزيع مبيظهرش يادكتور
إلا مع الخلوص الزائد جدا بين السبايك ومناطق تحميل ركب عمود الكرنك
إللى راكب عليها النهايات الكبرى للبيلات ( أزرع التوصيل بين بنوز البساتم وركب
الكرنك )
طبعا ده بيكون ليه بوادر تانيه
زى الأنخفاض الشديد لضغط زيت التزييت
مصحوبا بتحذير فى صورة رعشه أو أضاءه متقطعه للمبة التحذير الخاصه بضغط
الزيت
وعموما
بيكون فيه نسب سماح للخلوصات بين مناطق التحميل والسبائك المحمله عليها تلك
المناطق
( بحيث ممكن تشغل عادى فى مدى هذا السماح )
وأى مكنه لما بتتلحق بدرى مع وجود أى مشكله جوان وش وأنعكاس ذلك على خلط
زيت التزييت بالمياه ( أى ظاهرة تطحين الزيت )
بتكون لسه الحاله فى أمان
بس مفيش شك هناك تأثير حدث وتآكل بعض الشىء للماده البيضاء white metal
المبطن بها باطن السبائك ( كمادة تحميل )
بتسمى بالبابيت أيضا ( أى الماده البيضاء )
نتيجة الأنهيار الطارىء للزوجة زيت التزييت الناتج من عملية التطحين
_____________________
وحسب أستمرار قائد السياره فى الأستمرار بالزيت مطحن
بيزداد بلاشك
التأثير على السبائك ومناطق التحميل على السبائك