المشاركة الأصلية كتبت بواسطة trancawy
بجد موضوع روعه ...اشكرك على توضيحاتك .. بس انا لسه محتار اشترى البيزلاين و لا الهاى لاين؟ هل الكماليات الزياده فى الهاى لاين تستحق فرق السعر فعلا؟؟ انا شفت كليب عاليوتيوب للباسات الراجل شغل الاوتو بارك و نزل يتفرج عليها و هيا بتركن نفسها لوحدها بس ايه النظام عندنا فى مصر؟؟ برده التوكيل لعب فى الكماليات و ركب حساسات صينى زى ما غير الكاوتشات الاصليه؟
و تقفيل العربية برازيلى و لا المانى؟ لو حد عنده اى فكره يا ريت يقولى لانى نويت خلاص الحمد لله عالباسات ...اقارن بين البيز و الهاى لاين و لا انتظر الشكل الجديد مع بدايه 2011؟؟؟
|
والله أنا شايف ان فرق الكماليات الهاي لاين تستاهل فرق السعر وده نفس رأي زميل آخر إشترى البيزلاين زي حالاتي ..يعنى على سبيل المثال علشان تركب زينون فقط الموضوع بيتكلف حوالي 20 الف جنيه و بيتعمل خارج التوكيل علشان التوكيل بيقول ان البيزلاين ضفيرة الكهرباء مختلفة و لايمكن تركيب الزينون بأمان و في الحالة دي العربية بتخرج من الضمان...و خد عند طقم الجنط الأصلي ثمنه 11 الف جنيه من غير الكاوتش ...والباركنج سنسورز ما بتركبش بالأوتوبارك و طقم الكراسي الجلد بيتكلف 10 الاف جنيه و النظام الصوتي ثمنه من التوكيل حوالي 15 الف جنيه...ده طبعا غير الستائر الكهربائية و فتحة السقف
بالنسبة للتقفيل العربية ألماني 100% و الشكل الجديد حينزل إن شاء الله على شهر 4 القادم بس هي هي نفس السيارة من الداخل و نفس الموتور و نفس ناقل الحركة...مجرد إختلاف في الشكل الخارجي
__________________
قال رسول الله صلي الله عليه وسلم( إن لله عبادا اختصهم بقضاء حوائج الناس, حببهم إلي الخير, وحبب الخير إليهم, هم الآمنون من عذاب الله يوم القيامة).