المشاركة الأصلية كتبت بواسطة mahdyez
هو الدبرياج بياثر على الاستهلاك ازاى
|
لو الأسطوانه متآكله أو سوست الديسك تعبانه
الدبرياج بيبقى مش حته واحده وهو معشق
زى الحاجه المفككه ( مع الفارق )
تخيل بأه أنت بتدى قدره من المكنه
لدبرياج ملخلخ
ماذا سيحدث ............؟
بالطبع سيحدث فقد فى قدرة المكنه المنقوله من الدبرياج للفتيس
وطبعا أنت عند مرحله تعجيل وسحب معينه أنت محتاج ليها
بتضطر تدوس زياده على البنزين للحصول على سحب وتعجيل يناسب الوضع اللى
أنت موجود عليه
مثل حالات صعود الكبارى وتخطىء من أمامك
___________________
طيب لو كان الدبرياج حلو وحته واحده
مش حتحتاج تدوس بعنف على دواسة البنزين
فى حالات مماثله للسابقه ( بتاعة التخطىء وصعود الكبارى )
حتى فى الحالات العاديه للسحب العادى ( نفس المشكله )
ومعروف طبعا
أن الضغط الزائد على دواسة البنزين
بيعنى أستهلاك زائد للبنزين
____________________
أذا من خلال الصوره السابقه
يتضح أن الدبرياج عنصر هام جدا فى تأثيره على أستهلاك البنزين