العربية سخنت و باين كده حصل مشكلة ... ياريت تساعدوني
سلام عليكم و رحمة الله و بركاته ....
اولا كل سنة و انتم طيبين ..... انا العيد ده قضيته مع العربية و مشاكلها
عربيتي سويفت 96 كان عملت فيا مقلب من فترة في موضوع الحرارة كانت بتزيد ... و ظبطت الرادتير علشان كان في تسريب...
اول يوم العيد رايح مشوار كده 50 كيلو و هب الحق !! العربية بتكركر جامد جدا و قامت مبطلة .... ادور فيها مش بتدور
بفتح كبوت العربية لقيت المكنة بتدخن [IMG]http://www.**********.net/Nile/images/smilies/w6w200504112220146bb9c765 3%5B1%5D.gif[/IMG] الحق يا عم الناس اللي على الطريق وقفوا يساعدوني
سبناها لحد ما هدت طبعا بفتح الرادتير ولا نقطة مياه و دخان .. ناشف .. زودناه اقصد ملاناه .. و بعد محاولات العربية دارت .. لسه بتحرك بيها لقيت صوت تكتكة جامد ... اول ما تبدأ تتحرك وتدوس بنزين تعمل تكتكتكتكتكتكتكتكتكت واضحة جدا و الموتور بقى في خشونة و صوت حاجة بتكتك جوه لما تدوس بنزين ... النهارده بقى بطلت تاني .. ادور فيها مفيش .. فين و فين لما دارت لقيت الشكمان طالع منه نافورة مياه كانه حنفيه فضل كده شويه وراح لما مشيت و العربية سخنت ...و المية في القربية منقصت قوي ... صراحة انا هتجنن مش عارف ايه اللي حصل ... ياترى ده جوان وش سلندر و لا بساتم ..[IMG]http://www.**********.net/Nile/images/smilies/majd%284%29.gif[/IMG] ... مع العلم ان الزيت لونه كويس يعني مش طحينه
ياريت حد يقدر يفيدني لان و الله قلقان جدا و مش عارف ايه اللي حصل ... شكرا لاهتمامكم
|