رد: مين زار واحة سيوه؟
عايز ادردش شويه معاكم عن ملاحظات لى وانافى الواحه ..يعنى مثلا لاحظت ان شجر النخيل مش عالى زى عندنا فى الاسكندريه ووجه بحرى بصفه عامه بمعنى انك لومديت ايدك وانت واقف على الارض تطول البلح على الشجره..حاجه تانيه ان الجريد القديم موجود على النخل يعنى مش بينضفوا النخل منه طيب ليه وعشان انا بحب افهم سألت فقالواالاتى ان ايه حاجتهم ان هم يتسلقوا النخل عشان يجيبو البلح النخله لماتطول اوى بنقطعها ولان الجو عندنا حار وجاف جداً فبنسيب الجريد على النخله يلطف شويه الجو حواليها ويحمى البلح من التلف من الجو الجاف.
وطبعا الواحه فيها كميه نخيل بلح غير طبيعيه وكلها منتجه وجزء كبير من البلح بيتجفف فى مصانع التمور ويتصدر أويباع فى السوق المحلى.
__________________
"اللهم أنصر الاسلام وأعز المسلمين"
|