السلام عليكم ورحمة الله وبركاته
انا اشتريت سيارة ايبيزا من شهر 4/2010 هى موديل 1994 1300 سي سي .
إشتريتها عن طريق عمل توكيل فى الشهر العقاري .
انا معايا عدد 2 توكيل اول واحد من المالك الاصلي الى اسمه فى الرخصة والتانى ليا انا من المالك التانى يعنى انا تالت مالك .
يعنى احمد باع لمحمد ومحمد باع لحسين الى هو انا تمام كده .
بيانات الرخصة :
وجهة الرخصة :
نهاية الترخيص : 21/12/2010
ظهر الرخصة :
مكتوب تاريخ الفحص 2011 دون ذكر شهر ده معناه اية ؟
طيب وانا عايز فى خلال شهر نوفمبر ده ان شاء الله انقل ملكية السيارة باسمي قبل ميعاد انتهاء الرخصة .
إستفساراتى :- لازم لإتمام نقل الملكية يكون معايا عقد بيع مسجل فى الشهر العقاري ولا ممكن بالتوكيل انقل الملكيه علماً بأن التوكيل مكتوب فيه يحق البيع للنفس ولغيره والتعامل مع المرور .
- طيب فى حالة انه لازم عقد بيع مسجل :
- بيتكلف كام عقد البيع لموديل عربيتى والسي سي بتعها ؟
- بيتعمل فين فى الشهر العقاري بتاع السيارات الى فى سوق السيارات ولا فى اى شهر عقاري اخر ؟
- أشتري عقد البيع المسجل ده منين مكتبة ولا من الشهر العقاري ؟
- اية الورق الا اخده معايا وانا رايح الشهر العقارى والاجراء ده ممكن ياخد وقت قد ايه فى شهر عقاري مدينة نصر ؟
- اية هى المده المسموحه ليا بعد عمل عقد البيع فى الشهر العقاري ونقل الملكية فى المرور ؟
- بعد عمل العقد باخد التوكيلات ولا الشهر العقاري بيحتفظ بيها ؟
طيب بعد إتمام عمل العقد :- أعمل اية بقى بعد كده علشان انقل الملكية فى المرور واسمي يكون فى الرخصة بتاعه العربية من اوراق وإجراءات وفلوس ؟
- شهادة المخالفات الى بتطلع من المرور القديم بتكون سارية لمده قد اية ؟
- طيب معلش يا جماعه علشان ابقى عارف بس لما اروح الشهر العقارى واطلع العقد المسجل هل فى الشهر العقارى بياخدوا التوكيلات الى معايا ولا انا باخدها تانى مع العقد المسجل بعد ما اخلصه ?
- وفى ملحوظة كمان مكتوب على الرخصة فى دهرها كلمه رويال ورقم جنبها ده معناه اية ؟
- طيب واية حوار التامين ده بيتعمل فين فى المرور ولا فين بالضبط ؟
- واية الفرق ما بين شهادة المخالفات والبيانات وبرائة الزمة وحالات استخدام كل واحده ؟
أنا آسف جدا على الإطالة لكنى اول مرة فى حياتى بعمل الموضوع ده بس ان شاء الله عند إجابة المحترفين والخبراء هيكون موضوع كامل لكل الناس الجداد زي حالاتى ....