أصدقائى الأعزاء
أولا أحيى كل من مر وقرأ الحلقة الأولى من موضوع "متعة هواية الصيد" ولكننى كنت أتمنى أن أقرأ تعليقاتهم سواء ايجابية تشجعنى على المتابعة أو سلبية تساعدنى على التجويد.
ثانيا أشكر كل من أعطانى من وقتة دقيقة بعد القراءة ليترك تعليقا ولو كلمة واحدة:
المشاركة الأصلية كتبت بواسطة احمد بدر1978
متابع معاك يا هشام باشا دة انت طلعت صياد قديم ودى نفس هوايتى
|
زى أغلب الاسكندرانية يا أحمد باشا ... ألف شكر على التشجيع
المشاركة الأصلية كتبت بواسطة ali farouk
أولا مرحبا بيك يا أستاذ هشام وفكرة الموضوع جميلة جدا وده اللى معودنا عليه أبونورا.....طبعا كمل وأنا عن نفسى مستنى الموضوعات القادمة بشغف لأنى بحب صيد الأسماك جدا وكنت بطلع رحلات صيد فى البحر الأحمرونصطاد الناجل والتونةوالهيبات والجوشر<الوقار> والقرش وأنواع تانية كتير وعندى صور ياريت تقولى أرفعها ازاى علشان أشاركك موضوعك الشيق ده وشكرا لك
|
ألف شكر يا أستاذ على ودى فرصة نستعين بخبراتك علشان تصححلى المعلومات لو أخطأت (سبحانة جل من لا يسهو) أو تضيف لو قصرت. بالنسبة لرفع الصور فيجب أن تكون فى وضع الرد المتطور وستجد علامة صورة مكان اختيار نوع وحجم الخط. أضغط على العلامة وأدخل رابط الصورة.
المشاركة الأصلية كتبت بواسطة corsair
الله عليك يا عم هشام والله حضرتك الموضوع ده من اشد المواضيع اللي بحبها في المنتدي هنا كمل يا استاذ هشام والله موضوع شيق وممتع وان شاء الله نعمل رحلة صيد قريب وحضرتك تكون القائد بتاعنا في الرحلة ديه
|
الله عليك أنت يا أحمد باشا يا جميل ... أنا عايش بتشجيعك لية وطبعا ان شاء الله حنخلص سمك البحر كلة سوا
المشاركة الأصلية كتبت بواسطة koashraf
موضوع جميل هشام باشا وعلى فكره انت فكرتنى بالذى مضى حيث كنت امارس هوايه الصيد لسنوات طويله اثناء فترات الراحه خلال عملى على المنصات البحريه .
وعايز اقولك من البدايه ان توقيعك لفت انتباهى وفكرت اكتر من مره انى اعلق على التوقيع بس اهو الموضوع جه لوحده وانشاء الله اشارك معاك بالتعليق وبعض المعلومات كلما امكن لى ذلك
حبيت اهنيك على فكره الموضوع واعتقد حيشد انتباه الكتير من الاعضاء وحييبقى فيه مشاركات كتيره ان شاء الله --لى ملاحظه صغيره ان بعض الصور مش ظاهره يمكن بسبب حجم اونوع ملفات الصور فى المشاركه ارجو اعادة رفعها اوتغيير نوع الامتداد لملفات الصور لان الصور فى هذا الموضع من الاهميه حتى تعم الفائده للجميع.....ورداً على سؤالك طبعا عايزينك تكمل موضوعك الشيق.
وتقبل تحياتى لشخصك الكريم.... أشرف القبطان
|
أشرف قبطان ... الف شكر ورجاء لا تحرمنا من خبراتك
المشاركة الأصلية كتبت بواسطة fepsceasar
استمر يا فندم انا علاقى بالصيد انى كنت بصطاد مع والدى فى البلد سمك بلطى وقراميط وكنا بنعمل محاولات للصيد من اسكندرية بام الخلول ما كنتش دايما بتبقى ناجحة قوى، الكلام ده من زمان قوى انا حتى مش فاكر بالظبط الاماكن اللى كنا بنروحها، لكن انا متاكد ان الصيد ده متعة وهدوء وراحة نفسية، واتمنى ان شاء الله اطلع رحلة بحرية يوم كامل او اكتر للصيد
|
ألف شكر يا أبو كمال باشا وان شاء الله حجيبلك سيرة القراميط فى الحلقة الجاية ... ولا يهمك
المشاركة الأصلية كتبت بواسطة احمد على 1999
ايه ده
الموضوع كبير اوى شوقتنا كمل يا باشا
بعدين انا لسة متفرجتش على oceans
|
الف شكر يا أحمد باشا وحفرجك على Oceans وSeas وRivers وLakes وSwamps وكل حاجة أنت عايزها هنا ان شاء الله
المشاركة الأصلية كتبت بواسطة karem ali
ايه المعلومات الغاليه دى يا استاذ هشام ان فعلن اتعلمت حاجات كتير منها كمل انا متابع ومستنى باقى المعلومات
شكرا ليك جدا
|
الف شكر يا كيمو باشا ... خيرك سابق ومنك نستفيد
المشاركة الأصلية كتبت بواسطة b A d R
بس إنتا إحكي و إحنا معاك يا قبطان
|
الف شكر يا بدر باشا ... والله كان نفسى أطلع قبطان فعلا بس الظروف مسمحتش فبمارسها هواية بدل احتراف
أنتظروا الحلقة رقم (2) قريبا جدا بأذن الله.