الموضوع: استفسار الى اصحاب الخبره في السيارات المستعمله
عرض مشاركة واحدة
  #14  
قديم 23-10-2010, 02:57 PM
dodod dodod غير متواجد حالياً
 
تاريخ التسجيل: Oct 2010
المشاركات: 9
dodod is on a distinguished road
افتراضي رد: استفسار الى اصحاب الخبره في السيارات المستعمله

المشاركة الأصلية كتبت بواسطة حسام البورسعيدى مشاهدة المشاركة

طبعا عمره الموتور انواع ..

فى حاجة اسمها نص عمره .. ودى تغيير حاجة اسمها الشنابر فى داخل الموتور بسبب ان عزم العربية بقى ضعيف و جابت دخان ابيض من الشكمان .. ودى مش مشكلة لما تشترى عربية مغيره شنابر لان كده الموتور يعتبر زى الجديد ..



وفى عمره كاملة ودى خراطه البساتم او تغييرها و خراطة جسم الموتور من تحت ووش السلندر .. ودى منصحكيش تشترى عربية موتورها عامل عمره كاملة لان الموتور هيكون ضعيف لان خرط الموتور بيزود الفراغات بين اجزاؤه فيقل العزم ..


اما تغيير اجزاء العفشة دى حاجة كويسة لان العفشة ليها عمر افتراضى وخصوصا هنا فى شوارع مصر فلازم يتعملها صيانه كل فتره ..

وكمان البطارية والكاوتش ليهم برضه عمر افتراضى والبطاريه الجافه احسن بكتير لانها مش محتاجة صيانة دورية بعكس العادية بتحتاج كل فتره صيانه ..



وطبعا حضرتك مش فاهمه ايه معنى اجزاء الموتور ووظايفها فأنصحك تشوفى الموضوع ده هتفهمى كل حاجة عن الموتور ببساطة شديده ..





شرح اجزاء السيارة بالصور .. (الجزء الاول : المحرك) .. حصريا من حسام البورسعيدى ...
http://www.masrmotors.com/vb/showthread.php?t=35617

تحياتى يا فندم ..
متشكره جدا على التوضيحات المبسطه دي والشرح جميل جدا ومعلومات ستوضع في الاعتبار
جزاك الله خيرا
رد مع اقتباس