[mercedes]

المشاركة الأصلية كتبت بواسطة wali السادة الاعضاء هذا الكلام صحيح 100% حيث سيتم انخفاض فى التعريفة الجمركية على السيارات المستوردة من الاتحاد الاوروبى من اوائل السنة القادمة مع العلم بان اسعار الوقود سترتفع الى ان يصل لتر البنزين 90 الى 4 جنية اعتبارا من اول العام القادم و قولوا على الدنيا السلام

السلام عليكم و رحمة الله و بركاته

بالنسبة لحكاية الغاء الجمارك على العربيات المنشأ الأوروبى , فالكلام ده معروف من سنتين , لما قرروا أنهم هينزلوا الجمارك بواقع 10 بالمية من النسبة الجمركية الفعلية يعنى 40 - 36 - 32 - 28 بالمية و هكدا , كل سنة ينزلوا 4بالمية اللى هى تبقى ال 10- بالمية بتاع ال 40بالمية اللى هى الضريبة الجمركية المستحقة على العربيات لحد 1600 سى سى , لحسن حد يفهمنى غلط و يفتكر أنهم هينزلوا الجمارك على الBMW ال 750iL و لا حاجة .

أما بالنسبة لحكاية أن البنزين ال90 يبقى ب 4 جنيه على أول العام , فأنا ماصدقش بصراحة و دى شكلها كده اشااااااااااااااااااعة , لأن ده هيخلق عدم اتزان فى سوق استهلاك الوقود و الناس هتقبل جدا على الديزل و بالتالى الدولة مش هتقدر تلبى الطلب المتزايد على الديزل و بالتالى سعره هيغلى و ده معناه , ان كل قشااااااااااااااااية فى البلد هتغلى لأنها بتتنقل بالديزل و ده هيخلق كارثة بكل المقاييس .

هما , ممكن يكونوا هيعملوا كده بالفعل بس فى حالة واحدة , لما يكونوا عاوزين يولعوا فى البلد أكتر ماهى والعة .

MERCEDES S550