انا عايز اوضح نقطتين:
فى فتوى فى دار الافتاء عن الموضوع ده وبتقول ان التعامل فى البورصة جائز شرعا، على أن يكون نشاط الشركة مباحا ولها أصول وأوراق ثابتة ومعلومة، فالبورصة هى وسيلة تمويل ومن حولها على مقصودها فهو آثم شرعا (والكلام للمجيب عن الفتوى) يعنى أشهر مثل فى الموضوع ده السكينة انت ممكن تستخدمها فى اللى ينفع او اللى يضر، ومتهيالى كمان يا جماعة ما حدش يدخل البورصة غير لما يهضم الموضوع كويس
النقطة التانية أرجوكوا محدش يرشح أسهم بعينها،
لأن سيادتك ممكن تقول السهم الفولانى ده من أفضل الأسهم وحد يفهم انها توصية بالشراء يدخل يشترى فى أعلى نقطة ويقولك خسرتونا، وانا مش هتكلم عن الأسهم دلوقتى ممكن شوية كده على ما يبقى عندنا كلنا نفس الخلفية، واللى يحب يساعدنا ممكن يحطلنا القيم الأسمية والدفترية وأسعار السوق ومضاعفات الربحية لبعض الأسهم، ونقط الدعم والمقاومة بس يقول هو جايب الكلام ده منين وحتى لو من منتدى تانى يوضحلنا.
نسيت أقولكوا نقطة كمان برضه لو حد فى فى باله حاجة عن البورصة يقولها علشان كلنا نناقشها مع بعض واحنا كلنا بنسمع لبعض انا لا بهاجم ولا بدافع وهدفى من الموضوع ده المصلحة العامة والله أعلم