09-10-2010, 12:12 PM
|
 |
من انا؟: عاملنى الله بفضله, لكننى بارزته بالمعاصى
التخصص العملى: Vasc-man
هواياتي: المشى
|
|
تاريخ التسجيل: Feb 2010
الموقع: الدقهلية - المنصورة - شارع جيهان
المشاركات: 589
|
|
رد: عمار يا مصر
السلام عليكم و رحمة الله و بركاته
أنا فعلا , كنت قاعد مرة فى الصيدلية بتاعتنا و جت زبونة تشترى حاجة و تقريبا كانت مش من المنصورة , من القاهرة و قالتلى أنها شافت ال5 جنيه العملة المعدنية و الكلام ده كان من سنة تقريبا .
طبعا , أنا مع خرم العملة عشان نقدر نربطها و بالتالى ماتضيعش !!!!!!!
اللى يحزن فعلا , أن اندثار العملات دة مؤشر غير جيد للاقتصاد , يعنى مثلا لحد أوائل التمانينات , كان فيه العملة المعدن اللى بقرشين -دى اللى أنا أوعى عليها- و أهوه بعد مرور تلاتين سنة ,اختفت العملة أم 5 و 10 قروش تماما و كمان العملة أم 25 قرش, نادرا ماتلاقيها اليومين دول.
فى الدول المحترمة, تلاقى من تلاتين سنة, كان فيه العملة النحاس دى اللى هى (السنت) و لازال لحد دلوقتى, تلاقى برضه (السنت) موجود و بكل قوة و لازم و أنت بتشترى حاجة, لو بتشترى كاش بفلوس , يطلعلك كده كان سنت من ضمن الباقى , تاخدهم معاك البيت و تحطهم مع اللى قبلهم , لحد مايتجمع عندك كوم كبيييييييييييييير , ماتبقاش عارف تعمل بيه ايه .
طبعا عندنا لأن الأسعار دايما فى ازدهار و ارتفاع , فالعملات القليلة القيمة بتنتهى ليحل محلها العملات دات الفئة الأعلى , اللى هييجى عليها يوم هى برضه و تنتهى , و فعلا عماااااااااااااااار يا مصر .
الظاهر كلمة عمار يا مصر دى بتضايقهم و عشان كده , هما لما بيسمعوا حد من الشعب بيقولها , بيصمموا أن مصر ماتبقاش عمار خااااااااااااااااالص .
MERCEDES S430
__________________
MERCEDES E-class
بسم الله الرحمن الرحيم عَسَى رَبُّكُمْ أَن يَرْحَمَكُمْ وَإِنْ عُدتُّمْ عُدْنَا وَجَعَلْنَا جَهَنَّمَ لِلْكَافِرِينَ حَصِيرًا صدق الله العظيم
|