[mercedes]

السلام عليكم و رحمة الله و بركاته

أنا بقترح أن كل واحد فينا ياخد باله من المواقف اللى زى دى و يصورها بالموبايل و يرفعها على ال يوتيوب و بالتالى ممكن نجمع كمية فيديوهات و هتبقى فضيييييييييييييييييحة و ممكن نبقى نجمعهم فى CD و نبعتهم للوزير بتاع الداخلية و السجون و المعتقلات كهدية فى عيد الشرطة عشان يشوف البلطجية اللى زيه بيعملوا ايه و لو أنه مش هيعمل حاجة .

أنا عن نفسى , أول ماهصور , هصور مشهدين حلوين أوى بيحصلوا كل يوم عندنا هنا فى المنصورة و بيتكرروا بدون انقطاع :

1- لما بييجى صاحب السمو الملكى , مدير أمن الدقهلية يتنيل و يتقندل و يروح من مكتبه فى المديرية للبيت و لا للحتة اللى هو رايحها, بيوقفوا شارع الجمهورية كله أودام كافتيريا أندريا اللى عالنيل لمده ييجى ربع ساعة لحد ما سموه ينزل من المكتب و يستقر فى الوضع المريح ليه فى العربية بتاعته قال يعنى مشهور أوى و فيه حد هيفكر يخطفه و يطلب فدية , ده أصلا لو اتخطف مايجيبش حاجة و ماحدش هيدفعله الفدية و كمان هتلاقيه كبير فى السن و ماينفعش فى تجارة الأعضاء, و الله العظيم أنا لحد دلوقتى و أنا قاعد أكتب المشاركة دى , ماعرف حتى اسمه ايه , بس بدعى عليه من المنظرة و العطلة اللى بيتسبب فيها على الفاضى, ربنا يحرقه بالعربية و هو ماشى و ربنا يعطله زى مابيعطل الناس .

2- المشهد التانى , على شارع الجمهورية برضه بس من أوله , عند شارع المستشفى العام كده , بيبقى فيه بتاع 10 ظباط و عساكر مرور عمالين ينظموا المرور فى الحتة دى تحسبا لوصول عربية بيجو 307 SW فضى عشان تركن فى الحتة اللى أودام برج السوسن و القصر اللى على شارع البحر فى المنصورة و بيبقى فيه عربيااااااااااات شرطة و ونش شرطة و ناقص يجيبوا عربيات أمن مركزى و مدافع, أنا نفسى أعرف مين الشخصية الغير هامة على الاطلاق اللى بتيجى من الطريق ده و أحيانتا بييجى فى دماغى أنه ممكن يكون مدير الأمن بعد مابيروح البيت بتاعه , بيقول للمدام أنه نازل بالملابس المدنى عشان يعمل تفتيش على أقسام الشرطة و يتفقد الحالة الأمنية اللى فى البلد و يركب العربية التانية -تمويه بقه- عشان ييجى للمدام التانية بتاعته هنا, مش عارف بالظبط .

MERCEDES S550