[mercedes]

المشاركة الأصلية كتبت بواسطة engahmedsayed انتا تعرف القديم بيروح فين اوعى تقولى بيترمى كده ازعل منك ده بيرجع تانى و بيتعملو تكرير و يتم تعبئته من تانى و بيتباع تانى شوفت بقى حظوظ

السلام عليكم و رحمة الله و بركاته

طاب انا بقه سمعت حاجة أنقح و هى اييييييييييييييييييييه؟؟؟

ان فيه جراكن زيت 3000 و 5000 و 10000 كم , الزيت اللى فيها مش بتاعها , لكنه مقسوم على جركنين و بيتكمل بزيت 1000كم و الجركن التانى بيجيبوه من أى زبون غير الزيت و ساب الجركن و مشى و الجركن لما بييجوا يفتحوه عشان يبدلوا الزيت , بيفكوا حته من اللحام بتاع الجركن من تحت , والله العهدة على الراوى و اللى قاللى الكلام ده , واد صبى ميكانيكى عندنا هنا فى المنصورة , الكلام ده انا لما سمعته افتكرته ضرب من الخيال , لكن بحكم عملى كطبيب و بحكم أن عندنا صيدلية , و عرفت أن الألبيومين اللى بياخدوه مرضى الكبد , الغشاشين اللى فى نبروه و دى بلد جمب المنصورة مشهورة بتزييف كل الصناعات فى جميع المجالات, غشوا الألبيومين ده و حطوا فى الأزايز ايه تتخيلوا؟؟؟؟؟

بول - urine

شوفتوا كفر و فجر أكتر من كده, الأبيومين ده بيتاخد وريد على فكرة.

طاب هما ليه حطوا بول و ماحطوش أى حاجة تانية أصفرة؟؟؟؟, عشان لما الازازة تترج , يعمل رغاوى زى اللأبيومين بالظبط .

و على فكرة , دى مش أول مرة يغشوا أدوية , زماااااااااااان فى سنة 1997-2000 لما الفياجرا الأميركى كانت لسه نازلة مصر, النباروة دول جابوا بودرة تلك و خلطوها مع زهرة غسيل عشان تدى اللون الأزرق الفاتح بتاع قرص الفياجرا و كبسوها و باعوها على أنها فياجرا أميركى اصلى لأن الفياجرا الأميركى كانت بتنزل الأول فى برطمانات , البرطمان فيه 30 قرص و القرص سعر الجمهور بتاعه 40 جنيه, يعنى هو البنى آدم هيجراله ايه لما يبلع شوية زهرة غسيل و ده حتى حلو و بيغسل المعدة .

طبعا بعد ماسمعت كده, تأكدت تماما من أن غش الزيت ده شئ عادى و أكيييييييييييييد تماما و ممكن يكون اللى بيغش الزيت ده بيغشه و هو مرتاح الضمير تماما لأنه بيحط زيت جديد مكان زيت جديد و فعليا يعنى الموتور مش هيخرب من الغيار ده يعنى .

و الواد صبى الميكانيكى ده قاللى عشان تبقى مطمئن , ابقى بص على اللحام اللى فى قعر الجركن اللى الواد هيحطه فى عربيتك , لو لقيته مش متساوى , يبقى اللحام ده اتفك و اتلحم تانى و يبقى اللى جوه مغشوش .

شكرا جدا و آسف للاطالة .

MERCEDES S430