[mercedes]

السلام عليكم و رحمة الله و بركاته

أنا مش معترض اطلاااااااااااقا على أنهم يفرحوا , انا مش هبقى زعلان ولا مكتئب لو شفتهم فرحانين , لا و الله العظيم , أنا هبقى مبسوط جدا و عموما , أنا ببقى فرحان جدا لما بشوف واحد مواطن مصرى و خصوصا لو كان من الطبقة الكادحة الشقيانة المكافحة من الشعب و يكون فرحان فى الأيام السودا اللى احنا عايشينها اليومين دول , بس اييييييييه علاقة ده بأنهم يقفلوا الطريق السريع؟؟؟؟, لو كان طريق جوه البلد , كان معلش , كانت الناس تروح تلف من ناحية تانية , كأن الطريق ده مقفول عشان عزا و كده , لكن ده طريق سريع , يعنى لو اتقفل مالهوش بديل , الطريق اللى من ميت غمر للمنصورة , ده لما يتقفل , الحل ايه؟؟؟؟ , الحل الوحيد أن الناس هتخرم من العزب و النجوع اللى حواليه و هتبقى شورى مايعلم بيها الا ربنا .

MERCEDES S430