[حازم شاهين]

كل سنة و إنتم طيبين جميعا
بكرة ليلة العيد إن شاء الله

و ليلة العيد ليها ذكريات مع كل واحد مننا

أيام الطفولة مثلا ليلة العيد كنا بنقضيها ما بين الحلاق و توضيب هدوم العيد و حماية العيد

بعد كد و أيام المراهقة و الشباب
ليلة العيد هى ليلة السهرة الصباحى
على ماتش كورة أو دور إستمايشن أو بريدج
لغاية صلاة العيد

كمان ليلة العيد بتتميز بمتعة أكل الكحك بعد صلاة الفجر
و بتبقى حاجة ممتعة قوى إن الواحد يروح ياكل و يشرب بعد صلاة الفجر و يجرب اﻹحساس ده بعد شهر الصيام



و ساعات ليلة العيد بتبقى ليلة السفر للتجمع مع اﻷهل أو لقضاء العيد فى مكان سياحى

أنا بقى دلوقتى بقيت كتير قوى أقضى ليلة العيد فى الشغل و أروح على صلاة العيد

يا ريت بقى كل واحد يقولنا بيقضى أخر يوم فى رمضان و ليلة العيد إزاى

فى إنتظار مشاركاتكم