[نبيل عبدالرحمن]

المشاركة الأصلية كتبت بواسطة dragon غير يادكتور ومتخليش حد يقص فى الضفيرة لو العربية لسة فى التوكيل فى ضفيرة كهرباء بتتباع جاهزة كدا بالكتاوت بتعتها فكرتها عاملة زى مشترك الكهرباء كدا بتركب فيها انتة الفيش بتاعت العربية الاصلية وبعد كدا من الطرف التانى بيكون فى بقى الفيشة الى حتركب فيها اللمبات الجديد لاكن لو العربية مش فى الضمان عادى ويارب الموضوع يكون عجبك يا دكتور نبيل ونورت الموضوع

شكراً يا dragon وأنا رحت النهاردة عند الكهربائى بتاعى بناء على ميعاد سابق حجزته معاه ولقيته فعلاً جاب فيشة جديدة لكل فانوس بحيث ما يجيش جنب الضفيرة الأصلية خالص لأن العربية فى الضمان وجاب كتاوت ممتازة ركبها وساب الفيش القديمة ماقصهاش وركب الفيش الجديدة والكتاوت وجاب لمبات ألمانى مقاس 120/200 wt وركبها ، وطلعت بيها بعد الفطار فى طريق عتمه ( الطريق الدولى فى اسكندرية ) وبصراحة لقيت فرق كبير جداً فى شدة الإنارة سواء الواطى أو العالى والحمد لله ، وأريد توجيه شكرى لك على الفكرة الجميلة المفيده فعلاً لأعضاء المنتدى ، وياريت لو كل واحد عنده فكرة جديدة جربها يقول لنا عليها زيك كده
بس عايز أقول إن مش أى كهربائى ممكن يعمل شغل كويس فى العربية لازم نحرص