الموضوع: ارشيف الاستراحة 2010
عرض مشاركة واحدة
  #5237  
قديم 05-09-2010, 12:33 PM
corsair
Guest
  
المشاركات: n/a
افتراضي رد: دردشة حول طبق فول

المشاركة الأصلية كتبت بواسطة sad-bird مشاهدة المشاركة

دي طريقتي انا بقى في البيتزا




المقادير
  1. كيلو دقيق
  2. بيضتين
  3. كوباية لبن حليب او لبن بودرة
  4. 5 معالق زيت
  5. شوية ملح
  6. فلفل اسود
  7. زعتر
  8. خميرة ( كيس خميرة جاهزة او حته خميرة قد عين الجمل بنص جنية من اي فرن لكن لو لقيتوا حد يديكوا بنص جنية دلوقتي موسم بقى واستغلال)
  9. 1/8 زيتون مخلي اسمر او اخضر كل واحد ومزاجة والطعم اللي بيحبه
  10. جبنة موتزاريلا او جبنة رومي او جبنة شيدر
  11. خامات الحشو على حسب اللي انت عاوزه انا بحبها بالتونة او خفيفة زي ما هقولها في الاخر ( الحشو ممكن تونة / سجق / مشروم / اي حاجة تفكر فيها وتجربها بالطعم اللي انت عاوزة )



الطريقة
  1. نحط معلقة سكر ومعلقه دقيق على الخميرة على مية دافية ونقلبها ونسيبها شوية لما ننخل الدقيق
  2. نعمل حفرة في الدقيق ونحط الخميرة ونفركها في الدقيق كويسن
  3. نحط البيضة
  4. نحط الزيت
  5. نحط اللبن ويكون دافي لو لبن حليب لو لبن بودرة نحطه مع الدقيق واحنا بنفرك فيه الخميرة ونكمل العجين بماء دافي
  6. نحط العجين في مكان دافي وغطيها ( الهدف من التغطية مش عدم دخول الهوا الهدف ان الخميرة لما تشتغل بتطلع حرارة والحرارة دي المفروض متخرجش برة علشان تدفي الخميرة اكتر فتشتغل اسرع وانت بتحطها في مكان دافي علشان تساعد الخميرة اكتر )
  7. حضر الحشو على مزاجك وسيب العجينة تخمر
  8. قطع العجين 3 كور كبيرة ( كلواحد ومزاجه عاوز تقسهما على 2 ماشي عاوز على 3 ماشي عاوز على 4 ماشي )
  9. افرد العجين بالنشابة على مقاس الصينية ( انا عندي صينية اصغر من الصينية اللي بعمل فيها فبقلبها على العجين يروح مطلعهالي مدورة من غير زوائد ) افرد العجين بالسم اللي انت عاوزة لو اني بحبها رقيقة
  10. ادهن الصينية اللي هتعمل فيها زيت وحط العجين فيها
  11. ارفع اطراف العجين ( لفها يعني)علشان تعمل حرف ويبق زي طبق صغير
  12. حط الصلصة
  13. حط الحشو
  14. حط الجبنة (لو هتستعمل جبنة شيدر حطها هيا تحت الحشو هيا مش بتمد زي الرومي او الموتزاريلا لكن طعمها بيكون حلو ولو حطتيها هيا على الوض بتتحمر من الحرارة وبتنشف وتقرمش )



الحشو
  1. فلفل اخضر / احمر / اصفر
  2. بصلة
  3. طماطم
  4. شوية صغيرة شطة
يتشوحوا على النار في شوية زيت خفيفة ويتفردوا على العجين لو تحبها بالجبنة بس
ممكن تعملها شرايح الحشو ده وشرايح اي حاجة تاني بس انا بحبها خفيفة خصوصا لو عاملها بالليل هتعشي وانام
ممكن مش تشوحهم وتعملهم شرائح وتحطها على الوش انت ومزاجك


الصلصة
ممكن زي ما احمد عملها وممكن من غير توم على حسب كل واحد ومزاجه
انا عملتها الاتنين
معلقة سمن تتسيح وتحط عليها الطماطم وملح وفلف اسمر وشعرة بهارات خفيفة ولما تقرب تتسبك وميبقاش فيها مياه حط معلقة خل



وبألف هنا
انا جوعت
ههههههههههههههههه

ههههههههههههههههههههههههه ههههه انا حاسس اني بشوف برنامج طفح اليوم لسيد ابو حفيظة تحب تشوف نفسك وانتا بتعمل البيتزا


رد مع اقتباس