رد: شركة ساب السويديه والمملوكه لجينيرال موتورز تعلن افلاسها
أنا طول عمري كنت أقف في معارض السيارات السنويه (طبعا مش في مصر) مع والدي (الله يرحمه) في قسم سيارات ساب عشان دايما كان عندهم جديد خاصة من ناحية السلامه وطرق تعليق السياره
كان دايما يبقى فيه حوالي من عربيتين لتلاته عباره عن قطاعات (يعني مثلا عربيه واقفه وقطعين في الكرتيره والكبوت وفردة الشاسيه وملونين كل لاير من شاسيه وجسم العربيه بلون عشان يوضحوا طريقة تصميم الشاسيه أو هذا الجزء بالذات )
كانت أيام والله جميله فترة التمانينات فتره مش ممكن أنساها أبدا وكانت ساب من ضمن محطات حياتي في الإهتمام بطريقة تصميم وعمل السيارة مع إن عندي تحفظات كتيره على الشركه ديه
بس الخبر ده جعلني أشعر بالحزن حقيقيptmnlo123per144
|