التصميم حلو ... لكن النسب هربت منهم شويه .. كانو يقدرو يظبطوه اكتر من كده و كانت تبقى تحفه
لكن هي دي تويوتا ... شكل العربيه النهائي حاجه ثانويه ... المهم الشكل يتباع و خلاص !!!!!
|
بالضبط كده يا سامح باشا العربيه تقلها كله قدام و دا عاملي مشاكل في الفرامل بتاعها
لو ضربت فرامل علي سرعه عاليه ضهر العربيه ممكن يلف و حصل ليا موقف قبل كده بسبب الموضوع دا لكن ربنا ستر
علي الرغم من ان السويفت اقدم منها لكن توزيع الوزن بتاعها الي حد ما مثالي و قوه الموتور علي جسمها حلوه اوي
حتي قعدتها مريحه عن الياريس( بحب القعده المنخفضه زي العربيات السبور مش القاعده العاليه)
و حتي لما بحب اسند ايدي الاقي مكان بعكس الياريس اللي دراعي بيوجعني من السفر مده طويله و معلق ايدي علي الدركسيون
بس كل عربيه ليها مميزاتها و ليها نكهتها الخاصه.
اه الياريس مريحه شويه و باور كهربا و عزل جامد
لكن السويفت بتديني اداء حلو جدا باقل تكاليف ممكنه ولو بعتها حاليا بنفس فلوسها ممكن اجيب تمبرا
او الفا روميو 147
لو حزود 20 الف ولا حاجه اجيب كورولا 95 بس علشان عاوز امتلك العربيه دي و عاجباني جدا
بعتبرها فلته من تويوتا و مش حيعملوا زيها تاني
زي ما تقول كده طلعت غلطه من تحت اديهم ههههههههههههههه
معرفش كانو بيفكرو في ايه لما صمموها ... الظاهر كانو بيفكرو في الجيل اللي بعدها ... ومفيش جيل له علاقه باللي قبله .. يمكن السابع واخد من السادس .. والباقي كله على هواه ... تصميم جديد و مفيش اي خطوط تربط الجديد بالقديم
هي دي تويوتا
|
هما اليابانيين كده يغيروا العربيه و مافيش اي وجه شبه بين الموديل الحالي و الموديل السابق
الا الموديلين بتوع الكورولا اللي قولت عليهم فعلا
و موديلين في التمانينات (اخر جيلين في الكورولا دفع خلفي)
كل اللي بيعملوه بينقلوا الاسم من موديل للتاني
و بعدين يقولك اكتر مبيعات عربيه في التاريخ
طب لو كده ما نضيف مبيعات البيتلز لمبيعات الجولف(الابن الشرعي للبيتلز) و نشوف حيعملو كام عربيه
و نضيف مبيعات الفيات 1300 و ال (مازلت تنتج تحت اسم مورات في تركيا و لادا في روسيا)124 و ال 131(مازلت تنتج تحت اسم دوجان و شاهين في تركيا) والريجاتا و التمبرا (مازلات تنتج في البرازيل)و الماريا (تنتج حتي الان في المكسيك و الارجنتين)
و نشوف باعت كام عربيه و اهي نفس الفئه بنفس المواتير
مش زي الكورولا اللي بدات بحجم ال 128 و مواتير 1100 و دلوقتي في حجم ال 505 و مواتير 1800!!!!!
لا كده المفروض اسمها يتغير (لاحظ الاجيال الاولي لاواسط اللتمانينات تعتبر في حجم الياريس بالضبط)
لكن طبعا اسم كورولا بيبيع فنقلوا الاسم لموديلات اكبر
الاوربيين بيغيروا الاسم طالما اتغير الشاسيه او الملامح اتغيرت لكن محتفظه بنفس الملامح او نفس الابعاد
اقتباس:
المشاركة الأصلية كتبت بواسطة hazem_khidr
انا شوفت الموووووووضوووع ههههههههههههه
براحتك يا باشا قول اللي تقوله
انا عن نفسي لما بشوف الياريس من قدام بحس اني واقف قدام واحد احول هههههههههه
و لما بشوف ياريس بيضه في المرايه بحس ان واحد اهبل مطلع لسانه و جاي يجري ورايا
|
ههههههههههههههههههههههههه هه
المشاركة دى فطستنى من الضحك
و الله انت عسل يا حازم
طبعا مش هعلق على الموضوع عشان كل واحد ليه وجهة نظر و كمان نتيجة الإستطلاع هتبين كتير
لكن فكرة الموضوع اللى فعلا جميلة
|
الله يخليك يا يونس باشا دا بس من زوقك
انا دايما حيادي الحمد لله عمري ما اتعصب لاي حاجه
كل دا في الاخر شويه صاج لو ربنا ادانا عمر و فلوس حنبيع ونغير و نكبر
مافيش لازمه لشده الاعصاب