المشاركة الأصلية كتبت بواسطة ahmed_menaiem

اوعوا تتفتكرونى اخوانجى او تبع اى حزب معارض او حتى حزب وطنى


1 . انت استفدت ايه من مصر بالمقارنة بالدول الاخرى بتعمل ايه لشعوبها ؟

استفدت طبعا حاجات كتير احس انها هتشفعلي يوم الحساب

اولا / الصبر

ثانيا / الظلم اللي كل يوم الواحد بيشوفه

ثالثا / الازهر اللي مسئول عننا اخر فتوه بتقول ان جميع البنوك في مصر لا يوجد بها ربا كدا انا اطمنت اني هلاقي حد يتحاسب مكاني علي النقطة ديه


2 . انت راضى عن نظام الحكم فى مصر او لآ ؟


ده سؤال يتسئل يا عم احمد رضيت ولا مرضيتش اللي هما عايزينه ينجح هينجح بمزاجك غصب عنك برضاك او من غير


3 . انت ممكن تعمل ايه علشان تغير من الوضع الحالى ؟


اعمل عيشه لان اللي بيفكر يعمل ايه حاجه اخرته هتكون وحشه وهيتنفخ

4 . اكيد مصر بلدنا مش هتفضل كده على طول ولا ممكن تفضل ؟

انا شايف انها هتفضل كدا علطول لحد ما ربنا يخفس بيها الارض لان البلد بقيت بنسبة 99.9% منافقين واللي مش منافق هيقولك خليني في حالي انا مالي يا عم


5 . انت قدمت ايه لمصر ؟

مش لما تقدملي حاجه الاول ابقا ساعتها افكر اقدملها ولا هيه شغل استغلال وخلاص


6 . ارجو من كل عضو التكلم فى الموضوع بجديه لآن ده بجد موضوع شاغلنى اوى ان احنا نفضل على حالنا ده كتير

نصيحة ليك متفكرش وسيبها ماشيه زي ما هيه ماشيه لان فرج ربنا قريب


7 . انا وصلت لمرحلة انى بدأت اكره مصر و اللى جايبنها و اللى ماسكنها


انتا وصلت طيب كويس انتا كدا المفروض تاخد رقم الوصول انتا الشاب رقم 799990000 مليون



8 . كنت عايز اعرف ان الحالة دى عندى انا بس ولا فى ناس تانية كتيررررررررررررررر