المشاركة الأصلية كتبت بواسطة mohamed ibiza
فعلا الابيزا 94 هي الافضل و الاكثر متانة و اعتمادية بين موديلات الابيزا كلها
موديل 97-99 اللي نزل مصر هنا 1000 سي سي انجكشن و 1400 سي سي انجكشن و فيه نسخ كانت فاضيه و فيه نسخ فول اوبشن
هو ممتاز و يعتمد عليه جدا بس طبعا ال 1000 ده موتور صغير و اداءه علي قده اوي
لكن تظل الافضلية لموديل 94 في الاعتمادية لأن ال 94 اساسيات جولف موتور و عفشه انما ال 99 موتور و عفشة بولو و البولو عموما اضعف من الجولف
اقصي سعر للابيزا 94 دلوقتي هو 30 الف و دي تكون فابريقه بكل ما تحمله الكلمة من معاني و مش محتاجة اي مصاريف من الاخر عربية ممتازة و اللي يطلب فيها اكتر من كده يبقي سعره over !
السعر المتوسط لموديل 99 ال 1000 سي سي او 1400 فول اوبشن 4 ازاز كهربا و تكييف و سنتر هوا اوريجينال و مرايات كهربا و هكذا لو بحالة الفابريقة و مش محتاجة اي مصاريف هتعمل حوالي 34-36
الابيزا 94 1300 سي سي كربراتير موتور ممتاز و تسارعه مش وحش و مناسب لحجم العربية و مش بياكل بنزين جامد و ممكن تشغله 80 عادي بس تظبط الكهربا و كل فترة كده تخلط 90 مع ال 80
ال 99 فيه منها 1000 و 1400 سي سي و ال 2001 كذلك ال 2006 نزلت 1400 و 1600 و ال 2010 1600 بفتيس DSG و 1400 مانوال
ال 1000 سي سي موفر جدا في البنزين و مش هيتعبك في المطالع ولا حاجة لو الموتور سليم طبعا انما التكييف بيموت السحب بتاعه لانه اساسا محرك صغير و علي قده لو جبتها 1400 مكيفة هتبقي حلوه جدا جدا
|
الف شكر يا استاذ محمد فهمت حاجات كتير من معلومات القيمة
ولكن استحملني معلش شوية في بعض الأستفسارات
انا تقريبا كدة استقريت علي موديل 94 لان اغلب المواضيع تتكلم عن الموديل دة دون غيرى
لكن عايز اسأل حضرتك بعض الأسئلة ان تكرمت
موديل 94 فية منة 1000 سي سي ولا كلة نازل 1300سي سي
اقل كماليات ليها اية ؟ يعني لو فاضية هيبقي فيها قزاز كهرباء مثلا ؟
وهل السعر الي هو حد اقصي 30 الف تكون اية مواصفات كماليتها ؟ واية اكتر حاجة لما اروح مع الميكانيكي او اي حد خبرة اركز عليها؟
وهل قطع غيار بتاعتها مش متوافرة ؟ وهل هي فعلا تقيلة في البيع ؟ ومش اي حد يصلحها ناس محدد فقط الي بيعرفو يتعاملو مع اي عطل فيها؟
شئ اخير لو سمحت ممكن تفيدني في شئ محتار فية بخبرة حضرتك في الأبيزا
انا ميال جدا لابيزا وهيا الي نفسي اشتريها ودية اول عربية اشتريها لكن ناس كتير مخوفاني منها بسبب قطع الغيار وكما قولتلك فوق
وناس كتير بتقولي اشتري اكسل او سوزوكي سويفت افضل ؟
بالنسبة لاحيتاجاتي انا هستخدمها يوميا بالكتير ساعة الي اثنين ومعنديش مشكلة اني اشتريها حالة نظيفة وكل فترة اضبط فيها حاجة لكن كل كام يوم عطلة ووقوف عن الميكانيكي مش هتنفع معايا خالص لان اغلب الوقت مش فاضي
وممكن بسافر من اسكندرية للقاهرة كل شهر مرة ؟
فحضرتك شايف اية بالنسبة لاحتياجاتي والمقارنة البسيطة دية بينها وبين الأكسل والسويفت
والف شكر واسف جدا لأطالة لكن من العشم بقي
