[Injection]

المشاركة الأصلية كتبت بواسطة snoop الف شكر ليك ولنصايحك الجميلة دى بس ليا سوال لو عايز انظف فلتر الهواء والبنزين دول بنفسى اعملهم ايزاى والادوات المطلوبة وشكرا ليك

فلتر الهواء سهل جدا, هتلاقى تحت الكبوت بوكس أسود طالع منه خرطوم واصل للمانيفولد (مدخل الهواء بتاع العربية) ومقفول بكلبسات, هتفتح الكلبسات وتشيل نص البوكس الفوقانى, هتلاقى الفلتر تحتيه على طول, ممكن تنضفه بأيدك وخلاص, بس أنا أفضل تغيير الفلتر لرخص ثمنه وأهميته.

ودى مقالة بالصور عن تغيير الفلتر فى المواتير الأنجكشن والكاربراتير
http://www.wikihow.com/Change-Your-Air-Filter

فلتر البنزين فى أغلب العربيات صعب فكه من غير أدوات معينة عند الميكانيكى بس, ده غير أنك هتشيل فيوز طلمبة البنزين وموال صغير رذل, وهتتعامل مع مادة فرص أشتعالها عالية بنفسك, ودى حاجة خطيرة منصحش بيها, الميكانيكى يغيره أحسن ومش هياخد 5 دقائق.

المشاركة الأصلية كتبت بواسطة karem ali شكرن ليك يا باشا على المعلومات الهامه دى لكن هو انا عندى استفساراناعربيتى هيونداى ماتركس وعن نفسى بعمل لعربيتى صيانه دوريه على طول فى التوكيل كل 5 الاف كيلو و العربيه بقالها معايه سنه وكام شهر وعامله 17 الف وكسور وبصراحه انا مبحبش ادوس على عربيتى كتير بمعن انى مبخليش الRbm يزيد عن 4 واقل وبعدن انت من ضمن الكلام الى انت بتقوله فى رقم 10 من النصائح انت تدوس على العربيه فان كونت عاوز من حضرتك توضحلى هذا الامر

الضغط على العربية هدفه أنك تخلى الموتور يفوق, بمعنى أن موتور العربية بيتجمع فيه عامة شوائب وحاجات بتقف فى طريق دورة البنزين والهواء, شوائب فى الصبابات, زيت تخين على جدران السلندر ترسبات داخل الموتور وهكذا.

لما بتعلى عدد لفات الموتور الضغط فى دورة البنزين بيزيد فبيزيل معظم الشوائب اللى فى الدورة, ونفس الحكاية بالنسبة لدورة الهواء وأجزاء الموتور الداخلية, أنت بتحاول تفوق الموتور وتزيل الأنسدادت والشوائب اللى جواه بأنك بتضغط عليه شوية كل فترة وفترة.

أعذروا ردودى المقتضبة بس الكيبورد معليهاش زراير عربى (أنجليزى بس) فبخمن مكانها.