رد: عايزة اتجوز
بما اني اقترحت ان كل واحد يقول خبره من عنده فانا هقول على شوية مواقف حصلت ليا او لحد من اصحابي
اخر واحد اتجوز رح يتقدم لواحده كانت ملطعة عين اهلها وعين العرسان ومبتوافقش على حد بسهولة ابداااااااااااااااااااااا ( ودي الكبيرة بتاعت ابوها والدلوعة بتاعتها كمان )
راح الباشا وقابلها واقنعها وبعدين اهلها فرحوا قوي انها وافقت رغم ان سنها صغير يعني لسه بدري على موضوع العنوسة ده
المهم بعد الاتفاق والذي منه اشتغلت بقى الحركات الللي مش ولا بد
ابوها بدأت يتعامل معاه زي ما عادل امام بيتعامل مع شريف منير في عريس من جهة امنيه ، وكل مقلب والتاني يطلع من نافوخة ( الراجل معذووووور البنت الحيلة مفيش غيرها في العيلة وهو نفسه قالهاله دي كوم والباقيين كلهم كوم )
ما علينا من التفاصيل الباشا اتدبس في كام ( علشان ابو 30 الف زي حالاتي يقولي هيعمل ايه )
15.000 شبكة
20.000 مؤخر
35.000 الخشب وبعد معارف ووناس جابتهوله ارخص من السوق بكتييييييييييييييييير من دمياط
الشقة ايجار جديد حتى استلام شقته وطبعا حط فيها 5000 مقدم
5.000 هدايا والذي منه تقريبا
12.000 تقريبا الفرح
3500 فستان العروسة والكوافير
2000 واحد صاحب استوديو ضحك عليه ودبسه في الصور وقعد يقله دي كلها حاجات بسيطة وفي الاخر لقاها الفين
دي تقريبا التكاليف
100.000 تقريبا القائمة (الحاجت الي جابها على الحاجات اللي جابوها)
طبعا الاصل في الاسلام ان الزوج بيجهز سكن الزوجية على قدر ما تيسر لكن علشان احنا مش عاوزين نتعب وعاوزني كل حاجة كامله من مجاميعه ومن باب تيسير الزواج العروسة بتشارك بالنص تقريبا وعلى حسب كل اسره وعلى حسب طبيعة كل منطقة ووسط اجتماعي
ابو العروسة بقى يوم الفرح كان بينظرله نظره المتعدي على حقوقه واللي هيسرق منه روحه ( تقريبا كان ناويله على نيه مش عارف ايه )
من اكتر المواقف المضحكة ( ربنا يخلي لنا المسلسلات التركي ونور ومهند او ياخدهم كل واحد ادري بحاله بقى )
مرة زعلت منه
راح يصالحها
راح جايب بوكيه ورد وحطة على العربية وراح تحت البيت وعمل زي تامر حسني في عمر وسلمي وفضل كلاكسات تحت البيت لحد لما قالتله خلاص هتفضحني وراحت مصالحاه
بعد كده ببقت كل يومين تعمل معاه مشكلة
فضل يقلبها بدماغه وبعدين بيقولها انتي عاوزة تعملي أي مشكلة وخلاص قالت اه
قالها انتي عجبك الورد وكده
( بكل صراحة وبراءة الاطفال في عينيها ) أه
لا يا عسل متحلميش بالموضوع ده تاني انا مش كل يوم هروح اجيب بوكية ورد ب 40 جنية علاشن خاطر اصالح جنابك
وادي اخره اللي يسيب مراته تتفرج على نور ومهند
بيقلها انتي
__________________
إن العين لتدمع وإن القلب ليحزن وإنا على فراقك يا خالد لمحزونون ولا نقول إلا ما يرضي ربنا إنا لله و إنا إليه راجعون
|