[noura_taman]

المشاركة الأصلية كتبت بواسطة Injection وفين الأعضاء المتزوجين يحكولنا عن تجاربهم لعلنا نتعظ ونستفيد.

المشاركة الأصلية كتبت بواسطة Injection وشكرا لمدام نورا على طرح الموضوع الشيق.

انت اللي شكرا ليك وكلامك جميل وفعلا والله فكرة اننا نعمل كتاب عايز اتجوز بس انت عارف مأساة الراجل ايه في بحثه عن الزوجة المناسبة (الحالة المادية) فقط أو بقة هو مبسوط كدة وبيقضيها يعني "صايع"
لكن في الاول في الاخر اهو راجل حتى لو كان مكعبر ومتنيل على عينه برضه هاتفضل عين المجتمع مش شايفه فيه اي حاجة بتشينه أنه يفضل بدون جواز لكن البنت سيبك بقة من اي مبررات أخرى هاتفضل منبوذة في عين المجتمع أه ده اصل وفصل ومش بعيد يطلعوها يا عيني كان في في حياتها كارثة مخلياها تخاف اننا تجوز وكلام بقة كتير وكبير يا يحتمله اي حد من اي نوع حتى لو كانت صايعه زي ما انت بتقول في الاول والاخر الواحد كرامة انا مش بدافع عن البنت وانا معاك فعلا ان الاهل كمان بيغالوا في طلباتهم وبيعجزوا العريس وفي الاخر الشباب بيضطروا يمشوا مع بعض وجنينة المريلاند ممكن تكون مثال مصغر للبلاوي اللي في البلد بسبب تأخر سن الجواز ومغالاةا لطلبات والظروف الاقتصادية والحاجات الكتير اللي اتكلم عنها محمد "sad bird"
المهم احنا ممكن نعمل فعلا كتاب عايز أتجوز للشاب بس ساعتها هايبقة اللوم فيه للحكومة والبلد والاهل اللي بيغالوا في طلباتهم لكن بالنسبة للبنت ففعلا لما جت اتكلمت غادة عبد العال وقالت انا عايزة اتجوز ماكنتشي بتحاول تظهر ان الراجل فيه عيوب كتير لكن كانت بتحاول تلفت النظر ان البنت لما بيتأخر بيها سن الجواز فكل واحد يترشحلها او يتقدملها لازم تكون فيه مشكلة او عبرة وكأنها هي عشان خلاص قرب يفوتها القطر هاتكون مضطرة اسفة انها تقبل باي حد في الوقت اللي فيه الشباب اللي مافهوش اي عيب بيتقدم لنظيراتها ممن هن اصغر سناا ودي كانت المعضلة هل فعلا تأخر سن البنت في الجواز يخليها ترضى باي عريس..