[AbOnOrA]

انا بردوا شايف ان الطريق صعب جدا جدا على الصينين خاصة فى السوق الانجليزى
ومش بعيد جيمى كلاركسون يعملها حلقة خاصة للتنكيل بيها زى ما كان بيعمل فى العربيات اليابانى ايام التسعينات بس الدنيا دوارة وزى ما اليابان غزت العالم بمنتجاتها الاقتصادية بردة الصين بتعمل كده مع الفارق طبعا فى ظروف ايامنا ديه اللى خلت اكبر سوق لسيارات هو السوق المتوسط (الصين لوحدها استهلاكها من السيارات اكبر من امريكا الشمالية ) ولو ضفنا للصين الهند ودول اسيا الكبرى والشرق الاوسط هتلاقى ان استهلاك شرق العالم بقى اكبر من الغرب بكتير ولسه بيكبر اكتر

فالطلب دلوقتى على السيارات الاقتصادية بلا شك وانتوا شايفين حتى الشركات العملاقة بتتصارع على شراء او التحالف مع شركات فى الشرق لتصينع سيارات اقتصادية او بتعمل مصانع خاصة لتصينع سيارات اقتصادية والامثلة كتيرة ومعروفة

بيجو + ايران
ستروين + ايران
رينو /نيسان + المغرب / بولندا / روسيا اوتوفاز
امريكا شيفرولية + كوريا دايو
امريكا دودج + الصين شيرى
وده غير الشركات الامريكية والاوربية اللى كل يوم بتفتح مصانع فى الصين والهند لتصنيع سيارات اقتصادية

علشان كده الخلاصة ان التجربة الصينية تستحق كل الاحترام لانهم بسعوا فعلا للتطوير والتتحديث مش بس مكتفيين بتجميع السيارات فى بلادهم زى ما بنعمل دلوقتى
والمعسكر الجديد ( الصين + الهند + ماليزيا + ايران)
مش بس بيقلدوا العربيات ولا هيعملوا عربيات قص ولزق طول الوقت كلهم بيسعوا دلوقتى (وده بداء يحصل فعلا) لشراء شركات متقدمة تقنيا للاستفادة من التكنولوجيا ولتوطين الصناعة
زى ما تاتا اشترت جاجوار وبروتون اشترت لوتس وهيجى اليوم اللى نلاقى فيه المعسكر الشرقى فى مقدمة مصنعى السيارات فى العالم واعتقد انها هتاخد وقت اسرع من اليابانين كمان