رد: أستخراج أفضل أداء من موتور عربيتك بلا تعديلات .
العفو يارجالة.
أستاذ مظهر شكرا لتعليق حضرتك, أحنا كلنا زى بعض, والمعرفة فى مجال معين أكيد بتعنى الجهل بمجال تانى وأنا مجرد هاوى بحب الميكانيكا..
الفلاتر بره بتتغير حوالى كل سنة علشان العربية بيبان عليها الخنقة يعنى بيبقى مسدود على حق بعد السنة دى, وده بره فى أوروبا والدول المتقدمة, عندنا بقى النظام يختلف.
أنا يمكن بالغت حبتين لما قات 3000 بس 3000 يعنى حوالى نص سنة مشى بالعربية فى الجو بتاعنا ده وبنزين من البنزين المدعم بتاعنا, يعنى لو الفلاتر متغيرتش دوريا وبصفة مستمرة العربية بتتخنق قوى والشوائب بتدخل و بتكحت فى جدران السلندر, وأنا لسه منضف فلتر الهواء النهاردة تنضيفة محترمة وفيه فرق واضح جدا فى العربية.
وفلنر البنزين بيتسد بسرعة من شوائب البنزين عندنا, وخصوصا أن فيه ناس ما بتفولش غير لما التانك يفضى, والشوائب اللى فى التانك بتدخل دورة الوقود ثم الفلتر.
وشكرا لكل الأعضاء اللى مروا وكتبوا تعليق.
|