رد: السرعة 125 كيلو فقط ليه ؟؟؟
آخر الأخبار ومعلش اذا كنت اتأخرت لأنى لسه عامل الشغل اللى فى العربية امبارح
انا غيرت البوجيهات باربعة ماركة دينسو يابانى وغيرت فلتر البنزين بواحد اصلى وفلتر الهوا انا كنت مغيره اصلى من كام شهر فقمت نظفته بالكمبورسور كويس وخليت الميكانيكى ظبت التكيهات وكمان بالمرة غيرت سير الدينامو لأنه كان يصفر جامد
واليكم النتيجة
العربية السحب بقى احسن طبعا خصوصا الغيار التالت كويس اوى وعلى التانى والرابع السحب مرضى وعلى الخامس بالفعل اتحسن لكن التسارع غير مرضى برضه هو اينعم انا وصلت ل 140 لكن حسيت انى اخذت وقت لحد ما وصلت ( قبل كده العربية مكنتش بتوصل ل 140)
كده ما فاضلش الا تنظيف الكرباتير ؟؟
مش عارف انظفه وخلاص ولا اشوف مضخة البنزين
انا اعتقد لو المضخة فيها حاجة العربية متحسبش كويس فى كل الغيارات مش فى غيار اه والتانى لأ
انا مستنى رأيكوا
__________________
د / محمد
إن الله لا يصلح عمل المفسدين
|