على فكره ... كلام احمد باشا بيأكد وجهه نظري
اليابان توجهها الاساسي في العربيات للسوق الامريكي
وبالتالي بتصنع عربيات ترضي الذوق الامريكي و بالتالي شبيهه بالمنتج الامريكي
وبما ان الفكر الاوروبي مخالف للامريكي فالطبيعي تكون مبيعات اليابان ضعيفه في اوروبا
ونرجع تاني لنقطه ان مصلحه اليابان مع امريكا و بالتالي لازم تراضيها و تدلعها و تحايلها في اتجاهتها السياسيه و الاستراتيجيه ... وده منطقي و مقبول .. لكن ميمنعش ان اليابان بتحاول تتفوق على امريكا صناعيا حتى لو كان عن طريق حجم المبيعات
انا محترم جدا وجهه نظر مهندس فادي في جزئيه الدعم الامريكي للحليف للمحافظه على سيطرته في المناطق الاستراتيجيه .... و للمحافظه على مصالحه الخاصه ..
وزي ما مهندس فادي قال وضع كوريا لامريكا اخطر واهم بكتير من اليابان ...
يبقى ليه امريكا منقلتش دعمها و فكرها الاستراتيجي من الجزر اليابانيه شبه المنعزله الي العملاق الكوري الجنوبي امام العدو الكوري الشمالي المخالف في السياسه و التوجه والفكر
لسبب بسيط ... تعارض و تداخل المصالح .... مش كل الدنيا سياسه و مش كلها اقتصاد و مش كلها بترول ... واليابان حليف مهم لامريكا زي اسرائيل و زي كوريا الجنوبيه مع اختلاف درجه الاهميه و التوجهات ....
احنا امريكا بتيجي ساعات تطبطب علينا و ساعات العين الحمرا و حقوق الانسان ... حسب المصلحه
ممكن امريكا تساعد اليابان لمصلحتها الخاصه لكن عمر مدرب السيرك ما حيدرب الاسد ازاي ياكله
امريكا متقدمه في مجالات عن اليابان خصوصا البروسيسورز واسمع ان في شركات في ديترويت بتصنع انظمه الباور و سيستمز كتيره لشركات يابانيه وامريكيه و اوروبيه ( مجموعه نيسان رينو بتستخدم باور كهربي امريكي على ما اتذكر بس المعلومه دي من كام سنه الله اعلم الوضع حاليا ايه )
لكن ايه ميزه التقدم التكنولوجي اذا كان مش مستغل ...
وحفضل اكرر و اعيد النقطه الاخيره دي للصبح ... لحد ما يكون ليها رد مقنع :-
ازاي امريكا تكون متفوقه تقنيا و صناعيا و تسيب اليابان تتفوق عليها او حتى تنافسها في حجم المبيعات اللي في النهايه حيكون مؤشر بقاء او فناء الشركات الامريكيه !!!
البترول عنصر مهم جدا جدا جدا جدا
لكن مش لدرجه انهم يسيبوا الدنيا تقع على دماغهم علشان يسيطروا على البترول
البترول وسيله وليس الغايه ... و عمر الوسيله ما كانت سبب كافي للتخلي عن باقي الاهداف الطبيعيه ( النمو - الازدهار - الانتشار - الاستقرار - الطموح ) وده اللي بيحصل في مجال العربيات الامريكيه حاليا ... حتى الاس يو في الضخم اليابان داخله تنافس بالحوت تويوتا سيكويا ... و قبل الهامر 1 تويوتا عملت عربيه خاصه بالجيش الياباني بنفس مواصفات و قدرات الهامر
المشاركة الأصلية كتبت بواسطة Ahmed Anwer
لكن اعتقد ان راي م / فادي ،، مبالغ فيه
ممكن يكون اليابان ليها علاقات حبل سري بالاقتصاد الامريكي
لكنهم شركات مجتهدة و مبتكرة و ذات ريادة
و ما يتنقاش فيه ايا كان هوا تاريخ لا يمت للواقع الحالي بصلة ،،
|
+1