المشاركة الأصلية كتبت بواسطة mohamed ibiza
محدش يقول كمبيوتر العربية تاني كلنا نقول control unit 
انا عن نفسي يا tronky مليش في التويوتا و مبحبش الكورولا الجديدة عموما شكلها لوحده بيخنقني و متابعتهاش و معرفش مشاكلها بس انا هقولك اللي سمعته عنها
الكورولا الmmt حتي الان سمعت فقط ان بعض العملاء اشتكوا من نتشه الفتيس الmmt لانه بينقل بالكهربا و نفس الشكوي سمعتها برضه عن فتيس الاسترا و نفس نتشه الفتيس
الكورولا الشكل اللي قبل ده مسمعتش عنها غير انها بتعوم في السرعة العالية فقط و الكلام ده مجرد نتائج تجارب بعض الناس انما مجربتش بنفسي
معرفش الاوبشنز اللي في الكورولا لاني اساسا غير مهتم بيها كعربية و مدخلتش في تفكيرنا لما كنا بنشتري تماما
يا Tronky انا بقول لبايو يقول المشاكل اللي حصلت معاه علي سبيل الحصر عشان نشوف هل هي مشاكل عادية نتيجة ظروف الاستخدام الغير عادية في بلدنا اللي بتختلف ظروف الاستخدام و التشغيل فيها عن اي بلد اخر ولا هي اعطال over و ده لعيب في العربية نفسها و اهو برضه نستفيد و عموما في واحد اعرفه اسمه خالد معاه ميجان بيحبها جدا كأداء لكن العربية كرهته في نفسه و في حياته و حلف لا يركنها و ميركبهاش تاني بسبب كنترولات العربية بلاش كمبيوتر عشان بتزعلك:D:D:D
عموما عشان مبقاش بقول كلام في الهوا خالد سجل معانا في المنتدي بأسم khaled85 و هيرد عليكوا و يقولكوا مشاكل الميجان معاه
انا مكنتش اعرف اللينك اللي حطه شريف باشا يا tronky عموما انا مبقولش ان ده حاجة ثابتة علي التوكيل لاني معرفش ملابسات الموضوع بالضبط بس برضه ايه هيضطرهم انهم يعملوا كده يعني و كمان العربية و الفواتير ظاهرة في الصور و باين ان في حادثة حصلت و توكيل رينو لو مكانوش غيرو التيل و قالوا انهم غيروه مش هيكون اول ولا اخر توكيل يعمل حركة زي دي ابتسم انها توكيلات مصرية....و هتشوف التوكيل بيعمل ايه مع خالد لما يتكلم العربية مرميه عندهم و واخدين فلوس اد كده و مش عارفين يصلحوها
و الراجل قال تقريبا انه خبط في الفاصل اللي في نص الطريق في الدائري و الفاصل الاسمنتي ده قادر انه يعمل الكلام ده في العربية و الصور مبينة الاضرار |
مع أنك مردتش على أسئلتى......بس أنا هرد عليك
مشاكل الكورولا الجديدة تتلخص فى مشكلة واحدة قديمة ألا وهى جهل المشترى بالتكنولوجيا اللى فى الحاجة اللى بيشتريها.........و مبدأ " دور و طير "
المشترى المصرى عاوز عربية شكل و أمكانيات و و و و و + يدور العربية متقولش لأ لحد لما توصل ل مليون كم
مفييييش حاجة كده و كمان كلما زادت كماليات السيارة و زادت التكنولوجيا هتزيد الأعطال ( بشكل بسيط طبعاً )
بالنسبة لموضوع المقالة بتاعت أوتو أرابيا
الراجل عمل حادثة على المحور و بيقول أنه خبط السور اللى فى النص...........مع أن صور العربية بتقول أنه واخد رصيف مش سور..........المهم ما علينا
الراجل ودى العربية التوكيل وقالهم أنه صاحب أوتو أرابيا و أن رينو فرنسا مفوضاه يختبر العربية لحد 100 ألف كم و طبعاً بما أنها عربية رينو يبقى هما ملزمين أنهم يصلحوها.
وعشان هما فى التوكيل ميعرفوش حاجة عن الموضوع ده فأستقبلو العربية و بعتوا لرينو فرنسا يستفسروا........رينو فرنسا ردوا بالنفى طبعاً راح التوكيل مكلم الراجل عشان يشوفو هيعمل أيه
الراجل قالهم خلوها شوية و هاخدها.........قعد بيحاول أنه يعرف طريق يصلح منه العربية فى التوكيل لمدة أكتر من أسبوعين تلاتة ( لاحظو كمية التراب اللى على العربية ).......و لما راح ياخدها لقى طبعاً عليه رسوم مقايسة و أرضية
و لما شافوا المقالة دى فى توكيل رينو رفعو عليه قضية تشهير.
و مازال الموضوع محطوط فى الصفحة الرئيسية فى الموقع بقاله أكتر من سنة.........بالذمة فى موقع محترم يحط فى الصفحة الرئيسية مقاله لمدة سنة و أكتر ؟؟؟؟
ptmnlo123per122ptmnlo123p er122ptmnlo123per122ptmnl o123per122ptmnlo123per122 ptmnlo123per122ptmnlo123p er122ptmnlo123per122