المشاركة الأصلية كتبت بواسطة tronky
ماشى بس زمان كنا بنقول كمبيوتر العربية عشان العربية كان بيبقى فيها كنترول واحد أو أتنين بالكتير لكن دلوقتى مع تعدد الكنترولز يبقى مينفعش نقول كمبيوتر العربية و خلاص كده........
طيب ما تاخد الكورولا الجديدة ال MMT كمثال ؟؟؟؟ و أهى عربية من صانع السيارات رقم واحد فى العالم...............ممكن تجاوبنى على الأسئلة دى ؟؟
1- أيه مشاكل الكورولا ال MMT ؟؟؟
2- هل الكورولا ال 2004 أثير عنها نفس الجدل اللى أثير عن الجديدة؟
3- أيه الأوبشنز اللى فى الكورولا ال MMT مختلفة عن الميجان ؟؟؟
4- هل التكنولوجيا المستخدمة فى تصنيع الكورولا اللى فيها كماليات زيها زى الميجان مختلفة عن تكنولوجيا الميجان تمام الأختلاف و لا تكنولوجيا مشابهة ( أن مكنتش هية هية أصلاً ) ؟؟؟
ده بس من ذوقك يا باشا
يبقى كده أحنا بنلف فى دائرة مغلقة.....طالما مفيش غير 2 معاهم ميجان و هما اللى بيتكلموا وواحد معجب بالعربية والتانى العربية مطلعة عينه..........تيجى حضرتك عاوزه يقول المشاكل اللى حصلت معاه على أساس أن هى دى مشاكل العربية فى العالم كله!!!!!!!!!!!!!!!!!!!!!! !!!!!!!!!!
طيب أزاى ؟؟؟
عاوزين تعرفوا مشاكل الميجان يبقى قدامكم حل من 2
1- تسألو عدد من مالكيها و ميكونش قليل ( يعنى مش 2 او 3 أو 4 )
2- تدورا على النت
ولما تعملوا أى حل منهم تعملو عملية فلترة للنتايج حسب تكرار المشاكل عشان تشوفوا أيه هى المشاكل المتكررة....يعنى ميكونش واحد من 20 حصل معاه مشكلة فى ترس البربئ مثلاً ونعتبر ترس البربئ من المشاكل المتكررة فى الميجان واللى ال 20 واحد بيشتكوا منها.
لكن ناخد مشاكل عربية بايو أنها مشاكل الميجان فى العالم كله.........مينفعش
كلامى صح ولا غلط ؟؟؟
محمد بك...........لو رجعت صفحتين ورا فى نفس الموضوع هتلاقينى كنت يتكلم مع Sh-Masry على اللينك اللى كان حطها وبعد كده شالها عشان عدم مصداقيتها.......هى دى.
أستكمالاً للأسئلة السابقة الأجبارية.............دى الأسئلة الأختيارية.......جاوب عليها لو أنت عاوز تفكر فى اللى مكتوب و تشوف مدى صحته ( على أعتبار أنى مش عارف القصة من الألف الى الياء )
1- مش غريبة أن مجلة عربيات تشترى عربية ميجان تعملها test فى أواخر 2007 بينما العربية فى السوق من 2005 ؟
-2 مش غريبة برضه أن لما تحصل معاهم مشكلة زى دى يكتبوا عنها بعدها بأكتر من سنة ؟
3- الراجل بيقول حادثة خفيفة......أزاى حادثة خفيفة كسرت جنط و كسرت طنابير.....وفى نفس الوقت مفيش حاجة تانية فى العفشة أضرت ؟؟
4- اليوم اللى كانت بتتعمل فيه الصيانة لما شك فى أنهم مغيروش التيل.....مطلبش ليه يشوف التيل ؟
5- أيه هو قصده ب " The stop of the brake pedal collapse system "
6- هو ليه عربية بتاعت مجلة يطلع لها فاتورة بأسم شخص شغال فى المجلة ؟؟؟ |
محدش يقول كمبيوتر العربية تاني كلنا نقول control unit
انا عن نفسي يا tronky مليش في التويوتا و مبحبش الكورولا الجديدة عموما شكلها لوحده بيخنقني و متابعتهاش و معرفش مشاكلها بس انا هقولك اللي سمعته عنها
الكورولا الmmt حتي الان سمعت فقط ان بعض العملاء اشتكوا من نتشه الفتيس الmmt لانه بينقل بالكهربا و نفس الشكوي سمعتها برضه عن فتيس الاسترا و نفس نتشه الفتيس
الكورولا الشكل اللي قبل ده مسمعتش عنها غير انها بتعوم في السرعة العالية فقط و الكلام ده مجرد نتائج تجارب بعض الناس انما مجربتش بنفسي
معرفش الاوبشنز اللي في الكورولا لاني اساسا غير مهتم بيها كعربية و مدخلتش في تفكيرنا لما كنا بنشتري تماما
يا Tronky انا بقول لبايو يقول المشاكل اللي حصلت معاه علي سبيل الحصر عشان نشوف هل هي مشاكل عادية نتيجة ظروف الاستخدام الغير عادية في بلدنا اللي بتختلف ظروف الاستخدام و التشغيل فيها عن اي بلد اخر ولا هي اعطال over و ده لعيب في العربية نفسها و اهو برضه نستفيد و عموما في واحد اعرفه اسمه خالد معاه ميجان بيحبها جدا كأداء لكن العربية كرهته في نفسه و في حياته و حلف لا يركنها و ميركبهاش تاني بسبب كنترولات العربية بلاش كمبيوتر عشان بتزعلك:D:D:D
عموما عشان مبقاش بقول كلام في الهوا خالد سجل معانا في المنتدي بأسم khaled85 و هيرد عليكوا و يقولكوا مشاكل الميجان معاه
انا مكنتش اعرف اللينك اللي حطه شريف باشا يا tronky عموما انا مبقولش ان ده حاجة ثابتة علي التوكيل لاني معرفش ملابسات الموضوع بالضبط بس برضه ايه هيضطرهم انهم يعملوا كده يعني و كمان العربية و الفواتير ظاهرة في الصور و باين ان في حادثة حصلت و توكيل رينو لو مكانوش غيرو التيل و قالوا انهم غيروه مش هيكون اول ولا اخر توكيل يعمل حركة زي دي ابتسم انها توكيلات مصرية....و هتشوف التوكيل بيعمل ايه مع خالد لما يتكلم العربية مرميه عندهم و واخدين فلوس اد كده و مش عارفين يصلحوها
و الراجل قال تقريبا انه خبط في الفاصل اللي في نص الطريق في الدائري و الفاصل الاسمنتي ده قادر انه يعمل الكلام ده في العربية و الصور مبينة الاضرار