[فادى]

المشاركة الأصلية كتبت بواسطة sam ram فادي باشا ... يعني حضرتك عايز تقنعني ان تويوتا بقت اكبر صانع في العالم بسبب الدعم الامريكي في نفس الوقت اللي جي ام بتنهار فيه طب كانت نفعت نفسها !!!!!! طب سؤال بسيط ... لما مصلحه الامريكان ان يكون فيه منافسه شرسه لمنتجاتهم داخل السوق الامريكي ... ليه منتجاتهم متطورتش؟؟!! ليه تويوتا تفوقت على جي ام في المبيعات؟؟!! ليه شركات امريكيه مهدده بالافلاس و الاقفال و البيع و حتى فورد اللي بتقول مش محتاجه معونه بتعرض فولفو للبيع لتوفير السيوله؟؟!! كان من باب اولى استغلو التلميذ النجيب الياباني !!!! ليه المنتج الامريكي من السيارات بقت مبيعاته داخل امريكا بس و خارج امريكا شبه منعدمه و خسارته للسوق الخليجي الا في ال 4×4 و الاس يو في اللي برضو بيواجهو منافسه شرسه من الياباني وغير العربيات العالم كله بيسمع عن الاجهزه المنزليه سوني و باناسونيك و ياشيكا و غيره ... فين المنتج الامريكي المنافس ؟؟!! امريكا عندها مخزون استراتيجي من البترول يكفيها فعلا لكنها بتستخدم بترول الخليح للمحافظه على مخزونها الاستراتيجي ... اصدق ان بريطانيا تابعه لامريكا سياسيا و اقتصاديا و فكريا ... تابع امين اليابان ممكن تكون مصلحتها مع امريكا كاكبر مستهلك للمنتج الياباني ... ويهمها الرضاء الامريكي سياسيا و شعبيا حفاظا على منجم الدهب ( السوق الامريكي و الخليجي من بعده) انا ممكن اتفق معاك ان امريكا بتحاول السيطره على العالم ...لاحكام قبضتها و احباط اي محاوله تهديد لكنها مش محتاجه تدخل الكويت و العراق و تدخل بالاقتصاد الامريكي في ازمه عالميه علشان تحافظ على بترول الخليج لليابان ..... هي السعوديه بتبيع بترولها لليابان غصب عنها !!!! وامريكا لها القدره على تدمير اقتصاد بلاد كتيره و بتعمل ده في الخفاء ... معتقدش ان المعونه الامريكيه دي صدقه ولا دعم للاقتصاد المصري واليابان بتحاول تكسب صداقه المجتمع الدولي وابسط مثال في مصر ... مترو الانفاق و دار الاوبرا .... والمنح اليابانيه لمصر وفين اساسا الجيش الياباني .... اللي اعرفه ان من شروط استسلامه ميكونش لليابان جيش و انما قوات دفاعيه .. و بالتالي تطوير اليابان للمعدات الحربيه ضعيف و لا وجود للطائرات الحربيه و المدرعات و خلافه ( ويار يت لو حد عنده معلومات في الجزئيه دي يوضحها لي او يصححها ) انا مبحبش امشي ورا الساسه و كلام السياسه و الا بقت ليفني ست الحسن و ايهود باراك الشاطر حسن و اطفال فلسطين امنا الغوله انا مش حدخل معاك في نقاش حول البترول لأنه تخصصك .... لكن مش معنى اننا نسيس اي موضوع اننا ننسى بقيه العوامل خصوصا الاقتصاديه الا اذا كانت الازمه الحاليه في امريكا سياسه !!!! انا مش بحاول انافض كلامك او اثبت عكسه .... بالعكس انا بحاول من المناقشه معاك اوصل لوجهه نظر اقتنع بيها و حكون سعيد جدا لو اقتنعت بوجهه نظرك ... لأن معناها ان ساعتها حتكون اتحلت علامات استفهام كتيره اوي معلش يا ابونورا .... الموضوع ده حيفتح ابواب كتيييييره خلصنا من الشيبسي دخلنا في الموبايلات ... و على الحظ طلع تخصص بوب ... بس صحيح يا بوب ... انا اسمع ان الموبايل الكاتيل بيلقط شبكه لأن الشبكه الكاتيل .... مش علشان العده كويسه .... صحيح الكلام ده

هى دى المنافسة يا أستاذ سام,
انهيار الشركات الأمريكية كان نتيجة لأزمة اقتصادية سببتها التوسع فى نظم التقسيط و شراء المواطنين لسلع ليس فى امكانهم شرائها,
و من هنا انهارت المبيعات فى السوق الامريكى, فانهارت معه مبيعات جنرال موتورز و تويوتا معا,
لكن جنرال موتورز أضخم و مصاريفها أكبر من تويوتا كما أن ادارتها اتضح انها أسوأ لذا عانت سريعا عندما قل مدخولها.
و فى امريكا نظريتين, نظرية رأسمالية بحتة تقول بترك السوق على حالة بدون دعم الشركات حتى تشهر افلاسها و تعيد فتح نفسها بشكل أكثر ترتيبا,
و النظرية الاخرى تقول بأن ترك هذه الشركات تشهر افلاسها معناه تشريد ألاف الموظفين, و هو ما لا يمكن السماح به.
فى كل الحالات فان الشركات الأمريكية تطور نفسها و مينفعش الحكومة تدخلهم منافسين و ساعة الجد تقول لأ خلاص مش لاعبة!!
و مين قالك انو الشركات الامريكية لا تطور نفسها؟! الشركات الأمريكية تنهار مبيعاتها موسميا كما قلت مع أزمات البترول, و لولا أزمة البترول الاخيرة و ارتفاع أسعار النفط, لما قفزت تويوتا على رأس المبيعات.
و مين قالك انو الشركات الأمريكية لا تبيع خارج الولايات المتحدة؟؟
امال فين فورد و شفروليه و جيب بالاضافة الى العلامات التابعة لهم مثل اوبل و فولفو و سوزوكى و ايسوزو و مازدا(و التى هى سيارات أمريكية بأسماء أخرى), كل دول مش بيبيعوا برا الولايات المتحدة؟!!
صدقنى, اذا لم تكن هناك منافسة فى السوق الأمريكية, لكانت السيارات الأمريكية أسوأ مما هى عليه, زى اللادا كده, اللادا لم تبدأ بتطوير نفسها الا عندما فتحت السوق الروسية أمام المنافسين.

وامريكا لها القدره على تدمير اقتصاد بلاد كتيره و بتعمل ده في الخفاء ... معتقدش ان المعونه الامريكيه دي صدقه ولا دعم للاقتصاد المصري

تدمير اقتصاد العرب عموما هو احدى الأهداف الغربية الاستراتيجية, ابقاء الدول العربية فى حالة من التخلف و المجتمع الاستهلاكى هدف أمريكى أساسى, لأنه يضمن تدفق البترول,
الغرب يريد العرب مجرد منابع للنفط و دول استهلاكية,
و صناعات شرق أسيا كانت احدى وسائل تحقيق هذا الهدف, اغراق الشرق الاوسط بسلع استهلاكية اسيوية رخيصة هى احدى طرق تدمير الصناعة فى الشرق الأوسط,
أمريكا ليست عندها القدرة على تدمير اقتصاد أى بلد بهذه البساطة, الا بواسطة الحرب, انما الطرق الناعمة أكثر تعقيدا,
و مادامت الولايات المتحدة تسيطر على منابع النفط, فان سيطرتها على العالم سوف تستمر, و مادامت تسيطر على المنابع التى يعتمد عليها اليابانيون, فتأكد أن الاقتصاد اليابانى هو تحت رحمة الولايات المتحدة تماما,
و على فكرة اليابان كانت ضمن دول قليلة ممن أيدوا حرب العراق, ليست فقط لأنها لا تستطيع معارضة الولايات المتحدة, بل لأن فى هذه الحرب مصلحة مباشرة لها, ان سيطرة صديقتها الولايات المتحدة على العراق و الخليج يضمن لها استمرار تدفق البترول من الخليج الى مصانعها.
صدقنى ان ازدهار الاقتصاد اليابانى يصب مباشرة فى مصلحة الولايات المتحدة, سياسيا و اقتصاديا, ازدهار حلفاء الولايات المتحدة هدف أساسى لها,
و كلام نيكسون كتبه هنا ليس كسياسى, بل كمحلل استراتيجى, لأنه لم يعد فى السلطة.

و فعلا الجيش اليابانى قدراته محدودة للغاية, لكن دعمه السياسى مهم, تماما كما كانت الولايات المتحدة تريد الدعم المصرى فى أفغانستان, ليست لأنها تحتاج للمساعدة العسكرية, بل لأنها تحتاج للدعم السياسى حتى و لو بمشاركة رمزية, لكن مبارك أثلج صدورنا و رفض ارسال الجيش الى هناك.

بالنسبة لموضوع السونى و الباناسونيك, فأنا معاك انو مشغلات سونى الموسيقية جيدة, و لكن ماذا عن المشغل الأمريكى مرتفع الثمن أيبود و هو قمة المشغلات الموسيقية فى الاداء و القدرات و السعر أيضا؟!
فى مجال الحواسيب المحمولة فان توشيبا جيد, لكن معه أيضا اتش بى و اى بى ام و أبل اى بوك و هو الأغلى, و لا تنسى أن توشيبا نفسه يعتمد على مكونات أمريكية مثل المعالج الشهير انتل.