المشاركة الأصلية كتبت بواسطة tronky
يا محمد.........معظم العربيات من التمانينات ليها كنترول.....ده برضه زمان كانو بيسموه كمبيوتر العربية
تعرف تقولى الميجان الكمبيوتر المزعوم اللى فيها ده وظيفته أيه ؟؟؟
مفيش حاجة أسمها كمبيوتر العربية........فى حاجة أسمها كنترول يعنى العربية حسب تجهيزاتها بيبقى فيها أكتر من كنترول......أى عربية أنجكشن فيها كنترول
أى عربية فيها ABS فيها كنترول ABS
أى عربية أتوماتيك فيها كنترول
حلو الكلام ؟؟؟؟
نيجى بأه للتكنولوجيا اللى فى أوكتافيا A4 ؟؟؟؟؟ تكنولوجيا ؟؟؟؟؟ يا باشا مع أحترامى طبعاً للعربية و أعترافى أنها عربية محترمة.........بس دى عربية مودديلها تم تصميمه من 10 سنين و اكتر ( موتور البورا برضه )
|
كلام جميل و كلام معقول مقدرش اقول حاجة عنه
بس يا باشا احنا كمصريين اتعودنا نقول علي الcontrol unit كمبيوتر العربية ككل يعني فاهمني معروف طبعا ان العربية تتعدد الكنترولات فيها لكن احنا اتعودنا نقول كمبيوتر العربية مصريين بقي :D:D:D
عندك حق فعلا الاوكتافيا A4 رغم انها عربية ممتازة و اعتمادية جدا لكن التكنولوجي فيها مش بمستوي الميجان طب يا باشا ايه رأيك انت ترشحلنا عربية ايا كانت ماركتها و لتكن Vw مثلا و نشوف هل بيحصل فيها نفس مشاكل الميجان اللي تكررت مع كذا واحد ولا لا اللي هي التهنيج و الريستارت و و و اللي بيحصل مع بايو عشان نوصل لنتيجة مقنعة لجميع الاطراف
و علي فكرة انا سعيد جدا بالحوار معاك لان رغم الخلاف في بعض النقاط لا خلاف انك راجل محترم و اسلوبك حضاري مع اننا مختلفين