شكل دعائى هزيل ياريت لا ننساق فية
بدون مقدمات او تمهيد عايز اطرح وجهة نظرى لوجة الله علشان محدش من الاعضاء يتأثر ببعض الكلام المبالغ فية والدعائى بشكل فاضح لا تمت له بالحقيقة من بعيد او قريب
طبعا فى بعض الناس للاسف تنساق فى المارثون الهزيل لكن مالهمش ذنب اكتر من انهم فرحانين بالعربية ودول طبعا محدودين واعتقد انهم نفسهم مذهولين من الاوصاف الخيالية اللى فى اغلب الاحيان ملهاش اى صدى على ارض الواقع الا من بعض السذج
ياريت محدش يرد ويقول شعور الناس وفرحة العربية ؟!!
لان دة موقع المفروض ان كل انسان يلقى فية مبتغاه وهدفة ويعرف يقرر بعد تصفح المنتدى بكل وضوح والاطلاع على المفيد بشكل عملى ورصين وهادف
خاصة ان الكلام دة موجة للسيارات الصينية مثلا ممكن يكون وكيلها معروف سابقا بفشله الذريع وكان فى يوم من الايام مئات الاشخاص قاموا برفع قضايا ضدة لانة غير ملتزم بمعايير الجودة والسيارات كانت مليئة بالعيوب التجميع والتصنيع الخ
|