ومبروك ياباشمهندس أحمد كامل على الذهبية ولو انى ناديت كتير انك تاخدها بالتذكية
|
شكرا جزيلا ياأيمن باشا ptmnlo123per1118
بس تعليقا على كون ميراث لوتس الهندسى قد يكون غير مفيد للانتاج التجارى اسمحولى انقل عن محرر الاخبار (عدو احمد انور اللدود) الخبر التالى عن استعانة كيا بمكتب استشارات لوتس لتعديل نظام تعليق السيارة سول
Kia brings in Lotus to give their suspension some Soul
ومن ناحية تانية انا شايف ان تقديم سيارة اقتصادية بنكهة رياضية او بمستوى تادية اعلى من المعروف عن السيارات الاقتصادية ميزة وعامل مفاضلة مهمممممممم جدا
وانا شايف ان النقطة ديه تحديدا كانت سبب فى نجاح عربيات كتير اقتصادية برضو اذكر منها
البروتون جين تو طبعا بالتعليق المتميز واداء الموتور العصبى
الفيرنا باداء موتورها العصبى
الكيا برايد ومن ثم الكيا ريو والبيجو ال 207 بتسارع اقرب للسيارات الرياضية
فالشاهد ان العربية الاقتصادية لما تكون فيها لمحة رياضية ولو بسيطة بتديها ميزة مهمة قد تكون مسئوله بشكل اساسى عن نجاح السيارة ككل وسعى كيا للتعاون مع لوتس اعتقد انة نابع من تفهمهم للنقطة ديه
|
أنا قصدي بأنه غير مفيد مش بالمعنى ده
أنا وجهة نظري مختلفه حبتين يعني أنا أحترم تجربة هيونداي فقد كانت تعتمد على تكنولوجيا ميتسوبيشي إلى عهد قريب وقد كان ذلك مناسبا جدا لإمكانيات سياراتها على صعيد الشركتان فالشركتان تنتجا سيارات تجارية فمدى الإستفاده للمستهلك والشركة الجديده (هيونداي) كبير جدا
أما أن أشارك شركة عملاقة في مجال السيارات الرياضية وأنا عندي سيارات تجاريه أنا شايف إن إستفادتي مش حتكون في محلها بمعنى إن لو هما إدوني تكنولوجيا عندهم فتكلفة هذه التكنولوجيا لاتتناسب مع المستخدم لهذه السيارة الإقتصاديه وده حنلاقيه واضح جدا جدا في أسعار قطع غيار السيارة إللي إشتركت لوتس في تجهيز محركها وأجهزة التعليق الخاصة بها فمثلا مش طبيعي مثلا طقم تيل فرامل أمامي جين 2 يكون من سنتين (الأصلي) بـ 400 جنيه ptmnlo123per1128
ده جنان وتيجي تدور على سبب إرتفاع ثمن قطع غيارها تجد أن سببه أن الشركة التي تدخلت في تصميم ونقل تكنولوجيتها للبروتون جين 2 (مثلا) لاتهتم بهذا الجانب الإقتصادي على قدر إهتمامها بالأداء وخلافه
أما هيونداي كانت تأخذ تكنولوجيتها من صانع لسيارات إقتصاديه مثلها لكي يهتم هو الآخر بنفس توجهات الشركة
ويوم ما الدنيا شطحت معاهم جابوا مصمم إيطالي عشان يصمم لهم الماتريكس
أنا عارف طبعا إن كيا هي هيونداي بس أكيد كيا مش شركة مبتدئه عشان تاخد التكنولوجيا بتعاة لوتس هيا التانيه زي بروتون اللي ماعندهاش الخبرة السابق والكافيه
ده رأيي برضه يمكن عندكوا حق