[ابراهيم أبوسيف]

بص يباشا أنا عمي فضلت معاه 305 عشر سنين تقريبا ملاحظاتي عليها تتلخص في الآتي
موتورها ضعيف يعني لو أنت بتتكلم على تحميل واستهلاك قاسي يبقى من البداية ما تنفش وكذلك التكييف إلا لو هو فيها
العربي مريحة من جوة مع الاهتمام
والتحكم فيها سهل والدركسيون خفيف لأنها جر أمامي
لو صرفت عليها بيبان
لو عاوز تبيعها هايطلع عينك
أي ميكانيكي بيجو بيشتغل فيها كويس عادي يعني دي عربية من التمانينات

بعدين يباشا والدي بقى كان عنده 504 لمدة 18 سنة ودي فعلا اللي بنصحط بيها
موتور قوي جدا لا ده جبار أنا كنت بجيب بيها 160 والبنزين ممكن تزبطه لو زبطت الاكسلتير وفيه واحد في وسط البلد فاهم فيها قوي وفيه في الفيوم والزقازيق ناس محترفة 504
سعرها دلوقتى نازل جدا يعني في العشرينات حسب الحالة
قعدتها مريحة لو ما اتهانتش
ممكن تحط فيها بضاعة براحتك وتبهدلها آخر حاجة أصيلة ومش بتقول لا أنا واحد صاحبي أبوه صياد كان شايل منها الكنبة الخلفية وبيحملها سمك فوق 500 كيلو وعادي جدا
ممكن تسافر بيها المريخ براحتك كل يوم كمان
باختصار دي الاختيار الأمثل ليك ولما تيجي تبيعها ولو بعد 1000 سنة هتلاقي اللي يشتريها