بسم الله الرحمن الرحيم
----
السادس من اكتوبر 1973
الساعة الواحدة ظهرا
الضفة الغربية لقناة السويس لا موطىء لقدم جنود ضباط قادة
معدات اشبه بيوم عرفة من حيث الكثافة وهو ايضا يوم جهاد
انه تدريب تعبوى لكن هذه المرة الحشود كبيرة
عموما اروح للرائد عادل.
اشرب عنده كباية شاى واعرف اى اخبار
ودار الحوار التالى
نقيب ابراهيم. التدريب طول المرة دى ايه الحكاية
الرائد عادل. تدريب ايه يابو خليل انت نايم فى العسل
نقيب ابراهيم. ايه الحكاية عندك اخبار
الرائد عادل.انا شايف فيه عبور جهز نفسك
نقيب ابراهيم.ما احنا كلنا جاهزين بس قولى اللى عندك
الرائد عادل. شايف الافراد دول ودول ودول
مبيجوش الا لما يكون فيه حرب انا حضرت حرب 67 وعارف الكلام ده وحاجه تانية فيه جواب سرى عند القائد
نقيب ابراهيم. ما الجواب ده كل مرة بيجى وفى الاخر بيلموه
توضيح. هذه خطابات يكون مكتوب فيها سعت س
وهى لحظة بدء العمليات لكل وحدة وسعت س تختلف من وحده الى اخرى واذا لم يتم جمعها يقوم كل قائد بفتحها فى وقت محدد
الرائد عادل. مضى وقت اللم ده مركز جمع الاسرى جاهز ونقاط حصر الخسائر
نقيب ابراهيم.بقولك ايه خليها على الله ولو فيه حرب ربنا حينصرنا عاوزين نشرب شاى
شربنا الشاى والحمد لله والساعة الواحدة و55 دقيقة
عينك ما تشوف الا اسراب طيران الميج والسوخوى من فوق رؤسنا الى الضفة الشرقية والله منظر يرفع الروح المعنوية
الرائد عادل. شفت يا ابو خليل ادى الطيران عاوز تتاكد كمان عشر دقائق تلاقى المدفعية دنا حضرت 67 وعارف
روح شوف عساكرك ولو فى حاجة حبلغك
مضت العشر دقائق كا ن الطيران رجع ادى المهمة
واشتغل ال 130 ملى مدفعية
صوته مرعب
دن.دن.دن
وهو بيتكلم والمراسل حضر
سعت س
اثين وعشرون دقيقة
نقيب ابراهيم. مواسير النابالم يا عادل فى واحدة فى مواجهتى
الرائد عادل.ده مش شغلنا كله اتامن من بدرى
-----
على الضفة الغربية اللى احنا موجودين عليها ساتر من شكائر الرمل حتى لا يرى العدو تحركاتنا ولكن فيه مزاغل نرى منها ما يجرى على الضفة الشرقية
امامنا نقطة حصينة قوية جدا للعدو
كان الجنود يسمونها التبة المسحورة
وسبب التسمية ان هذه التبة اثناء حرب الاستنزاف كانت تطلق النيران على قواتنا ولا احد يميز من اين تاتى النيران
لذا سماها الجنود التبة المسحورة
طبعا مهمة توصيل الخبر للجنود ورفع الروح المعنوية واخذ تمام على الجنود والمعدات وملاحظة اى جندى تكون روحه المعنوية منخفضة لكن من فضل الله كل شىء تمام والروح عالية
ولا يبقى سوى دقائق حتى نقول استعد للهجوم
ثم اهجم للامام
---------------------------------------