|
حل مشكلة التكييف فى الشيرى والاسبرنزا
بسم اللة الرحمن الرحيم الاخوة الاعزاء ملاك الشيرى والاسبرنزا الموضوع الذى أقوم بطرحة هو تجربة شخصية لهذة المشكلة وهى مشكلة سربنتينة التكييف . انا متاكد ان مافيش حد عندة عربية شيرى ألا ولازم يكون عاش المشكلة دية وهى تلف سربنتينة التكييف اول حاجة التكييف مش شغال ثانى حاجة زيارة للتوكيل ولو الدنيا حر بتبقى زيارة سريعة وعرض المشكلة ثالث حاجة رد التوكيل بعد الكشف التمثيلى لانهم عارفيين المشكلة اية السربنتينة مخرومة عايزة تتغير رابع حاجة ردك انتا أتخرمت من اية خامس حاجة رد التوكيل على سؤالك عادى زلطة خبطة عمرها خامس حاجة غيروها سادس حاجة محاولة التوكيل انة يشيلك ثمنها حتى لو العربية فى الضمان سابع حاجة واحد غلبان موافق ثامن حاجة واحد ناشف شوية يرفض وتتغير على حساب التوكيل تاسع حاجة السربنتينة أتغيرت والفريون اتشحن والتكييف بقى 10 على 10 عاشر حاجة لا حول ولا قوة الا باللة التكييف عطل تانى ونفس المشكلة السربنتينة .... الحل بفضل اللة تم اكتشافة بالصدفة صنايعى ريداتير مشهور عندنا فى حلوان أول ما شفها فى أيدى عرفها قلى سربنتينة الشيرى قولتلة أيوة قالى ما بتتلحمش بتملح وتضرب على طول طيب والحل يا عم قالى هاعملك واحدة عمولة ب 550 جنية قولتلة ماشى هاتدينى ضمان رد عليا وقالى هاديك ضمان خمس سنيين والراجل معروف جدا فى حلوان وكلمة زى السيف وبالفعل استلمت السربنتينة فى خلال يوميين والحمد للة كان هو دة الحل الصحيح ولغايت ما العربية أتباعت وانا مستمتع بالتكيييف بدون أى مشاكل الحاجة الغريبة فى الموضوع أزاى شركة شيرى سايبة مشكلة زى دية باقلها اكثر من خمس سنيين من غير حل أكيد التوكيلات بتعرفها ان فى مشكلة فى الخام المستخدم فى تصنيع سربنتينة التكييف حاجة فعلا غريبة اسف على الاطالة .وشكرا
|